O evento tivo lugar hoxe no Hospital da Mariña de Burela e contou coa participación da alcaldesa Carmela López e a concelleira de Servizos Sociais do municipio Sandra Fernández Burela, 7 de... Ler máis
ÚLTIMA HORA
- Rematadas as obras de renovación e mellora do vial de acceso ó barrio da Bardela, na parroquia vilalbesa de Román
- O BNG reclama á Xunta de Rueda que anticipe a convocatoria das axudas aos concellos para a contratación de socorristas
- Para o alcalde de Foz é unha boa noticia a declaración de innecesariedade de terreos de portos e considera que eses espazos deben ser xestionados polo concello
- A Vicepresidencia da Deputación contribúe a revalorización do Entroido de Val de Francos coa recuperación dun histórico cartel de Vizoso e degustacións de galiña de Mos e Porco Celta
- Inaugurada unha nova mostra tiflolóxica no Museo de Lugo, con esculturas do viveirense José María Prieto
O Museo de Lugo expón desde este venres unha escolma de esculturas de José María Prieto (Viveiro, 1960), Andrés Clariana (Barcelona, 1973), Miguel Detrell (México DF, 1953) e Rubén González (Avila, 1975). Trátase dunha trintena de pezas da colección do Museo Tiflolóxico da ONCE que visibilizan a calidade artística dos seus creadores e permiten achegarse á arte desde unha perspectiva inclusiva. A deputada de Cultura, Iria Castro, inaugou esta maña a mostra nun acto no que participaron pesoas usuarias da ONCE e alumnado do CEIP Rosalía de Castro de Lugo. - A Garda Civil investiga a un veciño de Ribadeo, de 50 anos de idade, como suposto autor dos dos delitos de suplantación de estado civil e estafa na contratación de varios servizos e produtos de telefonía
Os feitos delituosos iniciáronse o pasado mes de novembro, cando un veciño de Las Palmas de Gran Canaria presentou unha denuncia relativa a unha contratación telefónica que descubrira e, cando a vítima estaba a desistir da adquisición dun paquete de telefonía móbil e televisión, esta foi advertida pola compañía de telecomunicacións que aínda que tal desistencia levouse a cabo correctamente, aínda constáballe o inicio doutro contrato que incluía liñas móbiles, televisión, teléfono fixo, pack de futbol e a adquisición dun terminal móbil financiado a prazos, contrato este no que aparecían correctamente os datos persoais do denunciante, pero non o seu verdadeiro enderezo. Verificouse que devandito contrato formalizouse para un domicilio de Ribadeo, lugar no cal a persoa denunciante nunca estivera nin tenia vinculación algunha. Como resultado da investigación efectuada logrouse identificar ao presunto autor dos ilícitos e poñelo a dispor xudicial. - A conselleira de Vivenda e Planificación de Infraestruturas, María Martínez Allegue, mantivo hoxe unha reunión de traballo co alcalde do Vicedo, Jesús Novo
Neste encontro, que tivo lugar na Delegación Territorial da Xunta en Lugo, a conselleira e o rexedor abordaron posibles vías de colaboración. A conselleira puxo de relevo a aposta da Xunta para cooperar cos pequenos concellos a través de actuacións que contribúan a fixar poboación e a mellorar a calidade de vida da veciñanza. - A Garda Civil imputa en calidade de investigado a un veciño de Ribadeo, maior de idade, como suposto autor da comisión dun delito de simulación de delito O pasado mes de outubro presentouse unha denuncia ante a Garda Civil relativa ao extravío ou apropiación indebida de dous teléfonos móbiles de alta gama, valorados ambos en 2400 euros, que supostamente desaparecerían durante o proceso de recepción dos mesmos por unha empresa de envío de paquetería. Por mor destes feitos iníciase unha investigación policial, na cal se verifica que no testemuño da persoa denunciante aparecen afirmacións que non resultaron ser verídicas, e que froito das pescudas realizadas compróbase como polo menos un dos terminais presuntamente desaparecidos, atopábase en poder dunha familiar de quen finalmente foi investigado. As dilixencias policiais e a persoa investigada foron postas ao dispor xudicial.
- Novo Guateque de Arruguiñas este sábado, 8 de febreiro
Será ás 20:00 horas no local social da Senra, coa colaboración da asociación cultural e recreativa O Raxal, e contará coa actuación de Verónica Cambón. - A concelleira de Cultura, Begoña Sanjurjo, entregou os Premios do Certame de Poesía Infantil Nadal 2024 convocado pola Biblioteca Municipal El Viejo Pancho, de Ribadeo
A edil felicitou aos gañadores: “parabéns aos gañadores, e moitas grazas ás familias e aos centros educativos pola importante labor que realizan a favor da poesía e do fomento da lectura” e animounos a seguir escribindo “oxalá nuns anos presentemos algún dos vosos libros nesta biblio” e lendo “porque canto máis lemos máis ideas se nos ocorren”. Cada un dos premiados recibiu un diploma e un lote de libros. Os traballos seleccionados pasan a concursar na fase provincial. - "Desexo" de Talía Teatro, este sábado, 8 de febreiro, no Pastor Díaz de Viveiro
Unha comedia para público adulto. A cita é ás 20:30h. Entradas: De luns a xoves, no 982560162, en horario, de 9 a 14,00 horas, ou no correo rbg.cultura@viveiro.es, e tamén na taquilla do teatro 1 hora antes da función.
2021 Crónica 3 A Mariña - Implementado por GaliciaDigital