Vegadeo, 23 de xaneiro de 2025. A LX Feira de Mostras de Vegadeo, un dos eventos máis destacados da comarca Oscos-Eo, deu onte un paso máis cara á súa histórica 60ª edición cunha presentació... Ler máis
ÚLTIMA HORA
- Presentada en FITUR a nova campaña de comunicación da Mancomunidade ‘A Mariña latexa contigo’
- A CIG insta ós Gobernos a escoitar as reclamacións do persoal de Alcoa e garantir que se cumpre o acordo de viabilidade
- O Presidente da Deputación valora en FITUR “a singularidade e potencial turístico da Mariña”
- Villares destaca o auxe da Mariña como destino náutico tras recibir máis de mil barcos en tránsito durante o pasado ano
- O delegado do Goberno en Galicia, Pedro Blanco, participou este xoves en Fitur na presentación da nova campaña de promoción turística da Mancomunidade de Municipios da Mariña e que leva como lema ‘A Mariña latexa contigo’
O delegado reiterou o apoio do Goberno ao desenvolvemento sostible e respectuoso do potencial turístico que ten o litoral norte de Galicia, e que se materializa a través do Plan de Sostibilidade Turística da Mariña, que cofinancia o Ministerio de Industria e Turismo cun millón de euros de fondos do Plan de Recuperación. Lembrou que A Mariña é un dos 43 destinos turísticos de Galicia que o Goberno está a transformar con investimentos e coa colaboración das entidades locais, chegando a un de cada dous concellos galegos. Na súa intervención, o delegado puxo en valor o traballo dos concellos pertencentes a esta Mancomunidade aos que felicitou asi como ao conxunto da sociedade mariñana, polo traballo conxunto que están a desenvolver para modernizar este sector. - Os deputados do Grupo Provincial Popular participan nunha nova edición de Fitur, na que apoian a difusión e promoción da imaxe dos 67 concellos da provincia
Os deputados que participaron nesta edición son Antonio Ameijide, José Ángel Santos, Armando Castosa, José Pardo, Luis Fernández, Héctor Corujo, Clemente Iglesias e José María Fernández. O voceiro provincial popular, Antonio Ameijide, explicou que “estamos en contacto con representantes doutras deputacións e administracións locais para coñecer novas canles de comunicación e de difusión para poder levar novas ideas para a promoción da provincia”. Ameijide explica que “se trata dun traballo que deberían facer e do que preocuparse dende o goberno provincial, pero vemos como levan demasiados anos ancorados nas mesmas ideas e sen facer nada por atraer novos turistas á provincia”. - Os talleres terapéuticos de Cervo, que se imparten cada venres, impartiron un de mosaicos
A actividade forma parte do programa municipal Arruguiñas, que é gratuíto e está dirixido á poboación maior de 60 anos. Estes talleres teñen lugar na Casa do Mar en colaboración coa Asoc. Saúde Mental A Mariña. - Crónica3 deixa de publicar en X, antiga Twitter
A deriva da rede social propiedade de Elon Musk non é acorde cos principios do noso medio independente que rexeita o feixismo, polo que os contidos que antes se difundían pola manipuladora X, chegaran agora por Bluesky, unha nova RRSS descentralizada. - Co ex ministro José Blanco retómanse este venres, 24 de xaneiro, os X Foros de debate da Fundación Sargadelos
As palestras teñen lugar no Hotel Voar de Ribadeo. As seguintes serán as de Juan Luis Cebrián (31 de xaneiro) e Isabel Díaz Ayuso (14 de febreiro). - Este sábado, 25 de xaneiro, Cervo celebrará un novo Guateque de Arruguiñas
Será ás 21:00 horas no local social de Lieiro, coa colaboración da asociación de veciños Nosa Señora de Lieiro. Contará coa actuación do Dúo Dilema. A cita gratuíta está aberta a todo o público. - Abrahan Cupeiro estará o 29 de marzo na Igrexa de San Francisco de Viveiro co espectáculo “O Son da Pedra”
Será dentro do programa de difusión cultural ADRAL, que promove a Xunta de Confrarías da Semana Santa. A cita será ás 20.30 h. Entradas en ATAQUILLA.
2021 Crónica 3 A Mariña - Implementado por GaliciaDigital