Ribadeo, 22 de novembro de 2018. Estes días dan comezo as obras de mellora na rúa Juan Suárez Acevedo, en Ribadeo, e na rúa do Porto, en Rinlo. O investimento ascende a 30.000 euros en cada caso e son financiadas polo Ministerio de Fomento e polo Concello. O alcalde ribadense, Fernando Suárez, pide desculpas polas molestias que se poidan ocasionar.
O rexedor anunciou hoxe que “estamos encarando xa o remate deste ano, pero seguimos cumprindo os compromisos que nos marcamos no orzamento de 2018, concretamente na área de rehabilitación integral de Ribadeo e na de Rinlo. De aí que, xunto coas rehabilitacións que se favorecen desde as administracións públicas, tamén desde elas estamos realizando melloras nos espazos públicos”.
Fernando Suárez detallou que “estamos iniciando as obras no casco histórico de Ribadeo, concretamente na rúa Juan Suárez Acevedo, unha pequena rúa indo cara ao porto de Porcillán. A outra actuación é na rúa do Porto, en Rinlo, na área de rehabilitación integral desa parroquia. Entre as dúas obras, aproximadamente son 30.000 euros cada unha de orzamento, 60.000 entre as dúas, e son financiadas entre o Concello de Ribadeo e o Ministerio de Fomento. Para a rúa Juan Suárez Acevedo, de Ribadeo, a empresa adxudicataria que mellor oferta fixo foi a empresa Ramsey, e na rúa do Porto, de Rinlo, a empresa adxudicataria foi Gestión Gratelu SL.”
O alcalde manifestou que “cando se fan obras molestamos sen ningún xénero de dúbidas. Intentamos minimizar as molestias e os ruídos, pero durante uns días, durante o tempo que se executan as obras, sen dúbida hai unha molestia, pero iso vese compensado porque despois o resultado é magnífico tanto para os residentes, que habitualmente viven alí, como tamén para o resto de veciñanza e de xente, que no casco histórico de Ribadeo e no conxunto de Rinlo, acude ano tras ano, e cada vez en maior número”.
Estes días dan comezo as obras de mellora na rúa Juan Suárez Acevedo, en Ribadeo, e na rúa do Porto, en Rinlo
Relacionado
-
Unha persoa sufriu diversas queimaduras ao tratar de prender a cheminea con alcohol en Barreiros
-
‘Unha Vela por ti’, con motivo do 25N, en colaboración con Mujeres en Igualdad de Cervo
-
Castiñeira ve “sospeitoso que outro erro do alcalde lle permitira á empresa licitadora alegar por segunda vez a decisión da Corporación Municipal de non seguir co contrato da residencia mentres non estean claras as axudas aos usuarios”
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
