Foz, 17 de novembro de 2018.- A veciñanza de Foz, de xeito moi especial os máis novos da localidade, estrean os tres parques infantís remodelados recentemente grazas á colaboración entre a Xunta de Galicia e o Concello.
En concreto, xa remataron as obras e están listos para o seu uso os emprazados en Álvaro Cunqueiro, diante de Facenda; tamén na praza Martínez Otero, ao carón dos taxis; na Lonxa, na antiga rula, no peirao.
Os traballos supuxeron un investimento que superou os 64.600 euros, financiado nun 60% con cargo á orde de mellora de Infraestruturas locais da Consellería de Presidencia, Administracións Públicas e Xustiza.
Os parques contan cun pavimento continuo de goma coloreado, novas pezas de alta calidade e deseño, incluído xogos accesibles, e outras características que reforzan a seguridade e resistencia destas tres áreas de xogo.
Contan unha orixinal combinación das cores, que busca facer máis atractivos estes espazos para os pequenos e para as súas familias, ademais de máis seguros. Os parques infantís inclúen materiais resistentes a calquera das condicións climáticas e a distintos usos.
O delegado da Xunta, José Manuel Balseiro, puxo en valor esta colaboración entre a administración autonómica e a local, por canto mellora os espazos de lecer para os máis pequenos e fomenta os espazos de recreo no pobo.
Pola súa banda o alcalde, Javier Jorge Castiñeira, lembrou que estes equipamentos veñen a completar os esforzos realizados nos últimos anos neste ámbito, e citou a recente remodelación dos parques infantís da Praza Conde de Fontao e do Campo da Cabana
“Esta remodelación vén dar resposta á demanda das familias que acoden cada tarde cos seus pequenos aos parques da localidade dando maior seguridade ás instalacións e modernidade nos deseños”-conclúe o rexedor.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
