Ribadeo, 14 de novembro de 2018. Do 16 ao 25 de novembro desenvolverase a campaña Ribadeo en Negro contra as violencias. O acto principal será o día 23 na rúa San Roque. Os actos foron presentados esta tarde no porto de Rinlo.
A concelleira de Igualdade, Mariluz Álvarez Lastra, sinalou que “este ano 102 Concellos galegos e tres Deputacións Provinciais sumáronse á campaña #EnNegroContraAsViolencias, dando pé a unha cooperación intermunicipal sen precedentes en Galicia.Estamos traballando no desenvolvemento dunha acción conxunta contra as violencias machistas que ten como obxectivo principal sensibilizar á poboación sobre a situación de violencia que viven as mulleres polo mesmo feito de selo”.
A edil ribadense lembrou que “por terceiro ano consecutivo, o Concello de Ribadeo impulsa a participación nesta campaña que conta coa colaboración nestes momentos de case 150 entidades sociais, establecementos comerciais e de restauración. A campaña #EnNegroContraAsViolencias, promovida desde 2015 polo Concello de Santiago, á que o noso Concello se uniu no 2016 cando se decidiu facela extensiva a outros Concellos e que no ano 2018 se estende a unha rede que alcanza a case o 50% da poboación galega para combater a problemática social da violencia contra ás mulleres”.
Álvarez Lastra dixo que “baixo o lema En Negro Contra As Violencias-Ribadeo en Negro e co obxectivo de poñer sobre as axendas, coa maior contundencia posible e dunha vez por todas, a violencia machista como un problema público, de toda a cidadanía imos levar a cabo varios actos estes días. Para iso, animamos ao sector do comercio e a todos os axentes sociais do municipio a implicarse na conmemoración do 25 de novembro. Do 19 ao 25 deste mes vestiremos de loito a nosa vila, en sinal de dor por todas as mulleres que sofren violencia, e como resposta á máis dura das súas consecuencias, a morte”.
E engadiu que “ao longo desta semana, o xoves e o venres procederase á distribución do material que editamos este ano entre as entidades participantes. De todas formas, como ven sendo habitual, pedimoslles e instámoslles a que aproveiten e reciclen o material dun ano para outro. Ademais desde o link da páxina #EnNegroContraAsViolencias calquera persoa poderá descargar tanto os deseños xenéricos da campaña como os específicos de Ribadeo e imprimilos para a vosa oficina, centro ou establecemento ou para a vosa casa”.
https://ennegrocontraasviolencias.gal/#descargas
A concelleira de Igualdade subliñou que “hoxe estamos presentes representantes de diferentes entidades e sectores sociais, dos centros educativos do Concello, do Centro de Saúde, do Centro de Día, do Comité Lila, do programa Aquí como de 20, da Policía Local, da EMMeD de Ribadeo, do CIM, dos Servizos Sociais… do Concello e de ACISA, que colabora intensamente nesta campaña tamén prestrándonos apoio organizativo”.
Álvarez Lastra contou que “comezamos hoxe con esta presentación e o venres, día 16, xa temos un dos primeiros actos da campaña Ribadeo en Negro. Proxectarase o venres, 16 de novembro, ás 20.00 horas a curtametraxe realizada polo Comité Lila Pensa, fálao. Vive, con ocasión do 25 de novembro, día internacional contra a violencia cara ás mulleres”.
E seguiu a relatar que “na vindeira semana presentaremos outras iniciativas que fan fincapé en que para erradicar a violencia de xénero é fundamental traballar e desenvolver políticas de igualdade. Por iso, desde a Concellaría de Igualdade faremos fincapé en varias accións dirixidas á coeducación, porque a conmemoración do 25 de novembro tamén ten que ser e debe ser en positivo, reflexionando ou impulsando accións de traballo que nos leven a concienciar e sensibilizar nun Ribadeo libre de violencias machistas! E remataremos esta campaña un acto central que se desenvolverá o venres, 23 de novembro, ás 12.00 horas na rúa San Roque, onde temos previsto facer un acto no que participarán diferentes entidades e os centros educativos de Ribadeo e pechará o acto a actriz galega Iria Sobrado coa perfomance Titania”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
