Viveiro, 12 de novembro de 2018. No día de hoxe recepcionaronse as obras incluídas no proxecto denominado “Proxecto de mellora, reposición de saneamento, redes de sumidoiros e abastecemento de auga no tramo comprendido entre a oficina de turismo e o río dos Foles na rúa Benito Galcerán”, cun orzamento de contrata de 96.044,68 euros e financiadas a través dunha subvención concedida pola Xunta de Galicia ao abeiro da Orde do 21 de decembro de 2017 pola que se regulan os criterios de repartición e se establece as bases reguladoras e a convocatoria de subvencións da liña en concorrencia non competitiva e da liña en concorrencia competitiva do Fondo de Compensación Ambiental para o ano 2018, de forma individual e mediante o sistema de xestión compartida, destinadas a entidades locais de Galicia (DOG núm. 9, do 12 de xaneiro). Nesta subvención, que se concede aos concellos cuxo territorio municipal se atopa dentro da poligonal de delimitación dun parque eólico e, igualmente, os afectados pola correspondente instalación de conexión ou vía de evacuación, o concello decidiu solicitar o importe que lle correspondía para executar estas obras.
Coa execución desta intervención realizáronse as seguintes actuacións: saneouse e mellorouse a rede de evacuación de augas residuais; dotouse este tramo do vial dunha rede separativa de pluviais; aumentouse a sección da rede de abastecemento de auga potable, para garantir o bo servizo da instalación; e demoleuse o pavimento que había para colocar losetas de granito gris abujardado seguindo o mesmo criterio que se está utilizando para o resto do casco histórico.
Na mesma zona estanse a executar tamén as obras incluídas no proxecto denominado “Acondicionamento do entorno da oficina de turismo na intersección coa rúa Benito Galcerán, Viveiro (Lugo)”, cun orzamento de contrata de 41.171,28 euros, que rematarán previsiblemente en breve. Este proxecto, que debe entenderse como unha ampliación do anterior, foi posible grazas ao remanente dun convenio que este concello asinou coa Deputación de Lugo. As actuacións que se están a levar a cabo neste caso consisten na demolición de parte do muro de peche da Residencia Betania; a integración dos 60 m2 de terreos concecidos pola residencia Betania no ámbito da parcela da oficina de turismo, permitindo mellorar sustencialmente a accesibilidade e visibilidade para o tráfico tanto rodado como peonil; a reubicación do paso de peóns existente na zona de actuación; e a mellora das instalacións de abastecemento de auga, saneamento, pluviais e subministro eléctrico.
Ademais, o concello vén de solicitar á Deputación de Lugo a aprobación dun novo convenio no que se incluirían as obras de mellora das beirarrúas existentes no outro lado da rúa Benito Galcerán.
No día de hoxe recepcionaronse, así mesmo, as obras incluídas no “Proxecto para a creación dunha zona de aparcamento de autocaravanas nas proximidades do polideportivo municipal de Viveiro”, cun orzamento de contrata de 26.527.94 euros e financiadas pola Axencia Turismo de Galicia. As actuacións incluídas neste proxecto contemplaban a dotación de catro aparcamentos para autocaravanas, dotadas de rede de saneamento, abastecemento de auga e tomas de electricidade; a maiores, o concello ampliou sinalizou outras catro prazas, sendo posible nun futuro aumentar dito número, xa que a actuación definida no proxecto relativo desenvólvese tendo en conta a posible ampliación deste servizo.
.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
