Mondoñedo, 11 de novembro do 2018. O grupo municipal do BNG no concello de Mondoñedo denuncia que os veciños e veciñas dos lugares de Estelo e Tronceda da parroquia dos Remedios están sen rede de telefonía fixa e móvil e sen conexión a internet desde fai máis de quince días. Os nacionalistas acusan ao goberno municipal de Elena Candia de seren incapaces en todo este tempo de tomar as medidas necesarias para resolver o problema de cobertura na zona.
-MAIS DE 15 DÍAS SEN COBERTURA E 22 VECIÑOS E VECIÑAS AFECTADAS-
O voceiro do BNG no concello, Eloi Cabanas, apunta que este é un problema que se arrastra desde o pasado temporal de choiva e vento de finais do mes de outubro, “a falta de conexión causa moitos problemas na vida diaria dos veciños e veciñas do lugar xa que están totalmente incomunicados”, e esixe que o goberno popular faga as xestión necesarias para o inmediato restablecemento do servizo.
“Non é de recibo que as 22 familias que viven en Estelo e Tronceda teñan que saír fora dos seus núcleos de poboación a buscar cobertura para poder chamar a un médico ou falar cos seus familiares”.
-DEFENSA DOS DEREITOS DOS CONSUMIDORES E USUARIOS-
Eloi Cabanas pídelle á alcaldesa que atenda os problemas reais dos veciños e veciñas e engade ademais que o goberno municipal debe instar á Xunta para que desprace persoal do Instituto Galego de Consumo para atender e asesorar nas tramitacións de todas as reclamacións particulares ante a empresa subministradora, “Hai que informar aos consumidores para que reclamen a parte proporcional dos servizos interrompidos”.
-DIFICULTADES NA RECEPCIÓN DO SINAL DE TELEVISIÓN-
O BNG mindoniense tamén se fai eco das queixas dos veciños e veciñas da mesma zona que teñen moitas dificultades coa recepción de varias canles de televisión, “fai máis de un ano que levamos a pleno estes problemas e a día de hoxe a Televisión de Galicia segue sen poder verse”.
Os nacionalistas pídenlle ao goberno de Elena Candia medidas efectivas para corrixir todas estas deficiencias, “non se pode ter menos calidade de vida por residir no rural” conclúe.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
