BURELA (FNC) .- O Concello de Burela repartirá 3.000 euros en premios no desfile do antroido que percorrerá as rúas da vila o vindeiro martes 16 de febreiro.
A edil de Cultura, Neves Cando, presentou hoxe a programación do antroido que “comenza o sábado coas actividades adicadas aos máis pequenos. Serán de 11 a 13 horas na antiga praza de abastos e con música, xogos e maquillaxe apropiada queremos que os nosos nenos e nenas disfruten dunha xornada lúdica á que poden acudir, si queren, disfrazados”. O domingo 14 de febreiro o Concello agasallará aos maiores de Burela cunha chocolatada no transcorrer do baile que se celebra todos os domingos tamén na antiga praza de abastos. “A partires das oito da tarde compartiremos con todos eles este ambiente festivo do antroido”, relatou a concelleira nacionalista.
O luns 15 de febreiro a partires das nove da noite as charangas burelesas A Pataqueirada e O mellor de cada casa amenizarán as rúas de Burela coa súa música e concluirán ás once na Praza da Mariña “onde todos os veciños e veciñas poderán gozar dunha animada verbena a cargo orquestra Triunfo”. O martes 16 é o día grande do entroido de Burela e a partires das cinco e media da tarde comezará o desfile que percorrerá o pobo desde a rúa do Ril ata a Praza da Mariña, onde terá lugar a entrega de premios ao remate. Neves Cando sinalou que “as persoas interesadas en participar no desfile nas modalidades de carrozas, adultos e infantís tanto en individuais, parellas e grupos poderán inscribirse unha hora antes do inicio do percorrido. O desfile estará amenizado polas charangas de Burela e ao remate do mesmo, mentras agardamos pola entrega de premios, todo o mundo poderá disfrutar da chocolatada que se servirá na propia Praza da Mariña”.
O antroido de Burela rematará, segundo a concelleira de Cultura, “despois da ledicia e do bullicio destes días co acto fúnebre do enterro da sardiña previsto para o mércores 17. Chega o momento de chorar pola alegría que remata e a comitiva do enterro sairá ás 20:30 horas do Campón e despois de percorrer as rúas de Burela rematará na praia do Portelo, onde tras a lectura do pregón, que este esto correrá a cargo de Ramón Vázquez Andrade, procederase á queima da sardiña e ao peche do antroido 2010 en Burela. Convidamos a todos, nenos e non tan nenos, a participar nestas actividades que sabemos son un referente comarcal polas moitas chamadas que estamos a recibir estes días de persoas doutros concellos que queren vir participar nelas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
