Lugo, 5 de setembro de 2018.- A Consellería de Economía, Emprego e Industria financiará a posta en marcha de 6 obradoiros de emprego na Mariña de Lugo, que beneficiarán a 14 concellos. Deste xeito, a Xunta atende o cen por cen das solicitudes formuladas polas administracións locais.
Así o explicou esta mañá o delegado territorial de Lugo, José Manuel Balseiro, quen indicou que para o desenvolvemento destas 6 iniciativas destinaranse máis de 1,3 millóns de euros. O investimento global na provincia supera nun 37% a achega económica realizada na convocatoria do ano anterior e chega aos 5,5 millóns de euros.
A posta en marcha dos obradoiros de emprego na Mariña luguesa permitirá a contratación de 140 persoas, das que 116 serán alumnos e 24 persoal de dirección, monitores e persoal administrativo.
Cinco deles ofertaranse na modalidade dual. Estes constitúen a principal novidade da presente convocatoria, porque os participantes poderán combinar un contrato de formación e aprendizaxe durante nove meses cun contrato adicional de polo menos tres meses máis, nunha empresa emprazada no mesmo ámbito territorial do obradoiro e cunha actividade vinculada ás materias deste.
Na Mariña poranse en marcha os seguintes obradoiros duais: ‘Sendas de Burela, Xove e Cervo V’; ‘Serra da Cadeira V’ (que agrupa a Barreiros, Lourenzá, Mondoñedo e Trabada); ‘Eo-Navia II’ (A Pontenova, A Fonsagrada e Negueira de Muñiz), ‘Terras do Sor II’ (Muras, Ourol e O Vicedo) e ‘Ribadeo co Camiño’ (Ribadeo).
Taller en Ribadeo para menores de 30 anos
No caso do concello de Ribadeo, contará con dous talleres, xa que nesta convocatoria será, xunto con Lugo, un dos dous da provincia que ofertará un obradoiro de Garantía Xuvenil. O ribadense denomínase ‘DOC TIC II’. Esta modalidade terá unha duración de seis meses e está dirixida a menores de 30 anos.
Ademais das iniciativas citadas, tamén o concello de Riotorto participará nun taller de emprego dual, neste caso asociado cos de Castroverde, Pol, A Pastoriza e Ribeira de Piquín. Trátase do obradoiro ‘O Castro IV’, cun investimento próximo de 288.000 euros e que contará con 20 alumnos.
A actuación da Consellería de Economía, Emprego e Industria combina a formación co desenvolvemento dun traballo efectivo, xa que as persoas beneficiarias disporán dun contrato de traballo e percibirán un salario durante a súa participación nesta actividade.
Balseiro aproveitou a ocasión tamén para facer balance dos distintos programas de apoio á empregabilidade promovidos pola Consellería de Economía, Emprego e Industria a través dos concellos e, nese senso, explicou que, no que levamos de ano, o Goberno galego financiou a contratación de preto de 1.000 persoas na provincia de Lugo.
Durante o seu percorrido pola feira, a conselleira puxo de relevo a importancia de eventos deste tipo que contribúen á dinamización das zonas rurais e, neste caso, a dar a coñecer o traballo que desenvolven estes artesáns do ferro.
O conselleiro do Mar asistiu ao xantar da III Festa das Xeracións na carpa da Praza dos Campos.
En total puxeron á venda 300 kgs de mexillóns na carpa instalada para a celebración deste evento gastronómico, que tivo por obxectivo poñer en valor un produto do mar como é o mexillón. A xornada contou con amenización musical. Ata Rinlo se achegaron o alcalde, Dani Vega, as concelleiras de Turismo, Cultura e Benestar Social, Marta Saiz, Begoña Sanjurjo e Elena Sierra, e o conselleiro do Mar, Alfonso Villares.
Tras o partido que se decidiu na tanda de penaltis a favor do equipo da Mariña, o responsable provincial valorou "o encontro como unha mostra do gran nivel do fútbol sala feminino na provincia con dous equipos que ofreceron unha gran espectáculo deportivo" e destacou "o bo ambiente no pavillón coas afeccións apoiando en todo momento ás súas xogadoras".
Chámase Jilgueritos e xa se integrou na Asociación de Comerciantes, Industriais, Servizos e Autónomos (ACISA) de Ribadeo.
Denuncian que "moitas das consultas atópanse reducidas e incluso pechadas polo que o número de doentes en lista de agarda non fai máis que medrar xerando un abandono absoluto no seguimento dos mesmos que se deberan facer de xeito ambulante rematan xerando ingresos pola falta de citas regradas nas consultas externas".
Está fixada para as 20:00 horas en primeira convocatoria e media hora despois en segunda. A orde do día inclúe estes asuntos a tratar: lectura e aprobación, se procede, da acta da asemblea anterior; estado de contas da asociación; informe de actividades desenvolvidas; informe do director da Banda; e preguntas e suxestións.
