Nota de Prensa
O portavoz de Mar do Grupo Popular, José Manuel Balseiro, salienta a ameaza que para o peirao lucense de Mirasol supón a estratexia dos gobernos central e de Asturias de situar o do Musel como alternativa na captación do tráfico de celulosa e madeira
O PPdeG INTERÉSASE ANTE A XUNTA POLAS XESTIÓNS REALIZADAS PARA MANTER NO PORTO DE RIBADEO A ACTIVIDADE DEPENDENTE DA PAPELEIRA ENCE-NAVIA
Santiago, 4 de febreiro de 2010.- O Grupo Parlamentario do PPdeG ven de rexistrar na Cámara unha iniciativa pola que se interesa ante a Xunta polas xestións realizadas para manter no porto de Ribadeo a actividade dependente da papeleira Ence-Navia. O portavoz de Mar do Grupo Popular, José Manuel Balseiro, fai referencia a que o tráfico portuario de pasta de papel e madeira procedente da empresa Ence-Navia, que supón preto do 65% da actividade do porto lucense de Mirasol vese agora ameazado pola estratexia dos gobernos central e do Principado de Asturias como alternativa na captación deste tráfico de mercadorías.
A esta ameaza para o porto de Ribadeo engádense os efectos negativos que para o mesmo supón o convenio asinado entre o Goberno de Asturias e a empresa Ferrocarrís de Vía Estreita (FEVE), dependente do Ministerio de Fomento, polo que se acordou impulsar a construción dun ramal ferroviario entre a papeleira de Navia e a liña de ferrocarril, de xeito que podería levarse a celulosa da dita factoría ao centro de Asturias, sorteando o procedemento habitual de transportala en camións ata o porto de Ribadeo.
Ambos feitos confirman, para Balseiro, “a intención de substituír ao porto de Ribadeo como dársena receptora desta actividade”, o que prexudicaría “dun xeito evidente os seus intereses e a captación dun tráfico portuario que contribúe a xerar riqueza e emprego na nosa comunidade”.
O deputado resalta a “indiferenza e falta de iniciativas efectivas por parte do anterior Goberno bipartito”, que, “malia ser plenamente consciente desta problemática, non foi quen de impulsar unha estratexia correctiva como debera”.
Ante esta realidade, o Grupo Popular preguntará ao Goberno galego sobre as previsións que manexa respecto da estratexia de situar ao porto do Musel como alternativa na captación do tráfico de celulosa e madeira do porto de Ribadeo, así como sobre as xestións que ten previsto realizar o Ente Público Portos de Galicia co obxecto de defender os intereses do peirao lucense “e corrixir a ameaza descrita”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
