Lugo, 4 de xullo de 2018. A Deputada de Cultura, Deseño e Artesanía, Pilar García Porto, o Alcalde de Ourol, José Luis Pajón Camba, e a Vicepresidenta da Asociación Cultural Aturuxeiros de Bravos, Sabela Ramil Rivera, presentaron este mércores no Pazo de San Marcos, o VII Festival Aturuxo, que terá lugar os días 20 e 21 de xullo na parroquia de Santiago de Bravos en Ourol. A cita musical que organiza a Asociación Cultural Aturuxeiros de Bravos, conta co principal patrocinio da Deputación.
García Porto sinalou que “o Executivo Provincial promove esta iniciativa, co obxectivo de dinamizar a vida cultural das nosas vilas e contribuír a poñer en valor as nosas tradicións con este festival no que actuarán grupos punteiros da musica galega como Os Carecos, Monolious DOP, NAO e Ruxe Ruxe”. Ademais, apoiando está Festival contribuímos a consolidar esta cita e, ao mesmo tempo, poñemos en valor o traballo dos nosos grupos e a música popular galega.”
Pajón Camba convidou a todos os visitantes a achegarse á parroquia de Bravos e desfrutar desta cita única na que ademais de música, haberá xogos populares, obradoiros de instrumentos e de baile a cargo do grupo Pesdelán. E agradeceu a implicación da Asociación Cultural Aturuxeiros de Bravos, “sen o seu traballo este proxecto non sería posible”.
Sabela Ramil agradeceu a colaboración tanto do Concello de Ourol como da Deputación na organización e promoción deste VII Festival Aturuxo. “Ourol e a parroquia de Bravos volven transformarse durante un fin de semana con esta aposta pola cultura, polo rural e a música”. Ademais, sinalou que “este proxecto non sería posible sen o apoio de todo o tecido asociativo e empresarial do Concello de Ourol e dos voluntarios que desinteresadamente prestan o seu tempo para que este evento cultural sexa un éxito un ano máis”, explicou Ramil.
Programa de actuacións
A VII edición do Festival Auturuxo comezará o venres día 20 xullo cunha cea popular e unha foliada aberta ao público e contará coa actuación do grupo Andarivel. A xornada do sábado arrancará ás 13:30 horas coa sesión vermú e outras actuacións musicais. A partir das 17:00 horas haberá animación nas rúas e xogos populares dirixidos a todas as idades e obradoiros de instrumentos con materiais reciclados. Ás 18:00 horas, tamén haberá un obradoiro de baile a cargo do grupo Pesdelán. Ás 22:30 horas comezará o propio festival musical, cos concertos dos grupos Os Carecos, Monolious DOP, NAO e Ruxe Ruxe. A organización ten prevista unha zona de acampada gratuíta ao carón da Igrexa parroquial de Santiago de Bravos. Haberá servizo de autobús gratuíto dende a Estación de Autobuses de Viveiro a Bravos.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
