Burela 27-6-18. José Antonio Capón Lamas (Lugo,1997), máis coñecido como Porto, será xogador do Pescados Rubén Burela FS a vindeira tempada. O ala, procedente do Prone Lugo, será a cuarta incorporación do cadro de Juanma Marrube, xunto ao peche Lucho e o ala Vargas, dende o Levante UD, e Juanfran, dende Naturpellet Segovia.
“É un xogador galego cun futuro prometedor; a pesar da súa xuventude, xa posúe experiencia na categoría. É un perfil de xogador que se adaptará moi ben ao proxecto” loaba así Manuel Blanco, o presidente burelista, a chegada do lugués, de 21 anos, formado na base do Azkar Lugo.
O Lugués Porto, cuarta incorporación laranxa
Relacionado
-
Pescados Rubén non continuará como patrocinador do CD Burela FS
-
O Concello de Cervo apoia o traballo da SD Candelaria cunha axuda nominativa que se incrementa este ano en 6400 euros
-
A UNED de Lugo e a Fundación Breogán conclúen a terceira edición do proxecto Ningún Aro Sen Rede visitando a comarca dos Ancares
A Asociación Cultural O Atrio de Vilaronte organiza o VII Alumeado do Nadal de Vilaronte (Foz) que será o domingo 8 de decembro a partir das 19:30h no Atrio da Igrexa. Ademas do acendido haberá chocolate e caldo de pito e contarase coa actuación de Mar Aberto de Foz.
O foro xurdiu por iniciativa propia da comunidade local presente no Camiño de San Andrés de Teixido e coa colaboración dos concellos que comparten este itinerario, pretendendo converterse nun espazo de diálogo construtivo no que potenciar o desenvolvemento e a coordinación entre axentes públicos e privados no territorio.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
