Lugo, 14 de xuño de 2018. A Audiencia Provincial de Lugo ditou unha sentenza, dando a razón ao Goberno Provincial e declarando ilegal a composición e funcións do Consello de Administración de SUPLUSA que propuxo o PP, anulando ademais todos os acordos adoptados polo mesmo. O voceiro do Executivo da Deputación, Álvaro Santos Ramos, apuntou que “creo que hoxe se entende porque dende o Goberno dicimos que a situación que se está a vivir en SUPLUSA é absolutamente irregular, instalada nese disparate do que o Partido Popular é o protagonista fundamental, pois foi o que propuxo as modificacións estatutarias que declara ilegais e anula a xustiza. Incluso foi Elena Candia, voceira e Presidenta provincial do PP, a que se habilitou na Xunta Xeral deste organismo para facer a inscrición dos seus novos Estatutos, desenvolver toda a súa tramitación e defendelos pola transcendencia que para ela e para o seu partido político tiña todo isto. O que vén a dicir esta sentenza é que a realidade normativa que pretendeu impoñer o Partido Popular en SUPLUSA é ilegal, e así o levamos o advertimos sempre dende este Goberno”.
“A proposta ilegal do Partido Popular e a súa defensa acérrima é preocupante, pois estamos a falar dun partido que intenta goberna facendo as normas que lle conveña para elo e ao marxe da legalidade”, remarcou Santos.
Sentenza executiva
A sentenza é executiva, con independencia do recurso extraordinario de casación que se pode presentar no prazo de 20 días. Isto significa que deixan de ter validez as modificacións nos Estatutos que propuxo o PP e que se sacou adiante na Xunta Xeral de SUPLUSA do 30 de setembro de 2016. Fíxoo co apoio do Deputado non adscrito, pois contou cos votos en contra de todos os Deputados do PSOE e BNG. Volven a estar vixentes, polo tanto, os anteriores Estatutos de SUPLUSA.
Foi este acordo de modificación estatutaria de SUPLUSA o que levou a xustiza o Goberno Provincial, mantendo a súa ilegalidade. Foi a voceira e Presidenta do PP en Lugo, Elena Candia, a encargada de persoarse e defender nos tribunais a legalidade da súa proposta. A Audiencia Provincial de Lugo dá a razón ao Executivo da Deputación e tumba a proposta ilegal do Partido Popular de Candia.
Modificacións nos Estatutos que declara nulas a xustiza
As modificacións que propuxo o PP nos Estatutos e anula a xustiza por ilegais son:
– Que o Presidente de SUPLUSA non sexa o Presidente da Deputación senón o que nomee a maioría simple do Consello de Administración de SUPLUSA.
– Que o Consello de Administración de SUPLUSA non o integren 7 Deputados Provinciais que representen a todos os grupos políticos que integren o Pleno da Deputación, senón 9 Deputados con independencia da proporcionalidade existen na Corporación Provincial.
– Que o Xerente de SUPLUSA non sexa nomeado e cesado polo Presidente de SUPLUSA e tamén da Deputación, senón pola maioría do Consello de Administración de SUPLUSA.
– Que o obxecto social de SUPLUSA tamén sexa ser entidade prestadora de servizos sociais cando a Xunta de Galicia dixo no 2011 que non podía ser así e que este debía ser directamente a Deputación de Lugo.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
