Foz 13-6-18. “Foz, Plataforma de Futuro” non veu á política para ser unha formación política irresponsable, a cidadanía situounos na oposición, e a pesar das enormes diferencias ideolóxicas e de xestión política que nos separan do Partido Popular, non imos a permitir que a Residencia de Anciáns permaneza un minuto máis fechada, creemos que é un insulto á cidadanía que fora rematada no ano 2015 e a día de hoxe non se lle dera unha solución factible para poder abrila e sacar os nosos anciáns do actual Asilo que se atopa nunhas condicións lamentables de habitabilidade.
Tampouco imos esquecer que isto se debe a unha xestión nefasta para os intereses de Foz do partido no goberno, o Partido Popular que dende o primeiro momento estivo a xogar con este tema para ó final non facer nada e traernos a esta situación.
Mentres nós impulsamos que a xestión da residencia fose pública para evitar chegar a esta situación, o PP coa inestimable axuda do seu aliado político o BNG pretenderon que a Consellería de Benestar Social cedese ó Concello a xestión da residencia por dous anos, prorrogables a catro para conceder a dedo e sen previo concurso público a mesma á ONG “Mesajeros de la Paz”. Tras tornarse esta situación como imposible porque se cometía unha ilegalidade, posto que era imposible esta cesión sen o previo concurso público e a aprobación dun Plan Económico Financeiro (PEF) o Partido Popular levou a pleno no mes de abril do presente ano un plan de xestión da residencia intolerable, que pretendía que os residentes pagasen unha praza a prezo dunha residencia privada entre 900 e 1.300 €, algo ó que nós opuxemos de plano, isto era un atraco en toda regra, só ían poder acceder anciáns cun poder adquisitivo alto, algo que non concorda co que cobran de media os/as xubilados/as en Foz, na súa maioría pensións mínimas de entre 600 e 700€. Ademais non podíamos aprobar este plan de xestión posto que a Consellería esixía a aprobación dun Plan Económico Financeiro, algo que non trouxo o Partido Popular ó pleno, polo tanto non servía de nada, o único que se conseguiu con isto unha vez máis foi retrasar de novo a apertura da residencia.
Posteriormente ó Alcalde e o seu equipo de goberno trae ó pleno de maio a aprobación dos Orzamentos, que non saen adiante porque ó Partido Popular non negocia con ningún dos partidos da oposición pensando que ten maioría absoluta e saen rexeitados, como non podía ser doutra maneira. Coa non aprobación dos Orzamentos unha vez máis o partido no goberno poñía en risco a apertura da residencia. Esta situación fai que chegaramos a uns límites insoportables para a cidadanía que estaba a demandar a apertura da residencia.
Chegados a este punto, ou non facemos nada, poñendo así en risco que a residencia non poda abrir nesta lexislatura, algo que suporía un caso inédito e nos iríamos seguramente ó ano 2020, un insulto a todo o pobo de Foz que non imos a permitir. Así como de fartos están os veciños e veciñas do noso pobo así estamos nós. Polo tanto vémonos na obriga de deixar aparcado calquera tipo de interese electoral, tomar unha decisión e propor unha negociación.
Polo tanto, se o Alcalde e o seu equipo de goberno quere o noso voto a favor do PEF, estes son as nosas condicións:
Garantir a apertura da Residencia de Anciáns no presente ano 2018, sen máis demoras.
Que ningún residente que acceda a unha praza destine máis do 75% da súa pensión a cubrir os gastos derivados desta. Polo tanto debe ir incluído no PEF a cantidade necesaria (que dende a nosa formación estimamos sería necesario destinar 200.000€ mais ou menos) para subvencionar por parte do Concello o resto dos gastos que se deriven do acceso a dita praza. Este é o punto máis importante, posto que FPF quere garantir que os nosos anciáns dispoñan de prezos homologables ós dunha residencia pública.
No capítulo de gastos e obras a facer mediante este PEF se inclúan as que figuran a continuación,
Plan de Emprego 2018 pase de 100.000 a 120.000€
Mellora da traída da auga no barrio de Mañente, 30.000€
Finalización e acondicionamento da Rúa Fonte da Cruz, 50.000€
Aglomerar en quente o Camiño de Pedrido na parroquia de Nois, 20.000€
O Alcalde de Foz ten na súa man sacar adiante a apertura da Residencia e Centro de Día de Foz.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
