Foz, 13 de xuño de 2018. O IES de Foz presentou e estreou o documental titulado En galego en Foz, elaborado polo equipo de dinamización da lingua galega do centro.
No acto, que tivo lugar na tarde de onte na Casa da Cultura focense, catro alumnas do IES que participaron neste documental presentárono e explicaron o seu proceso: “moitas grazas por vir aquí a todos, porque é moita xente a que está aquí. Nós somos unhas das entrevistadoras, porque Naila, Paola e Lucía tamén participaron neste proxecto. Ímosvos contar cousas que non aparecen no documental e que ocorreron detrás das cámaras. Quero deixar claro que este documental é unha reportaxe organizada polo equipo de dinamización lingüística e que está dentro dunha actividade que se chama A nosa historia facémola nós. Participaron profesores como Montse, Suso, Fefi, Roi e Alberto, que non é profesor pero tamén colaborou. O obxectivo deste documental é non só motivar o idioma galego senón tamén coñecer historias de persoas do pobo de diversos oficios e idades. E estivo moi interesante facelo. O proxecto comezámolo na primeira avaliación, onde os participantes do equipo de dinamización lingüística do centro comezaron a escoller á xente e contactar con ela para facer as entrevistas. Empezamos coas entrevistas en febreiro e rematamos en maio. Durante maio e xuño montaron o vídeo, coa música e todo o contido”.
As alumnas do IES de Foz que presentaron o documental engadiron que “o equipo de dinamización lingüística do centro elixiu para entrevistar a persoas que falaran galego habitualmente e de diversas profesións que non tiveran nada que ver pero que, as persoas que traballaran nelas, usaran o galego no seu día a día para contarnos cousas como historias relacionadas coa lingua, entre outras. Nós neste proxecto pasámolo moi ben. Foi moi interesante e queríamos dar as grazas a Julia Vidarte, Otilia Fernández, Fina Díaz, Marcelino Villarino, Rosa Calvo, Eddy Varela, Antón Valín, Daniel Val, ao equipo de dinamización da lingua galega e ao Concello de Foz”.
Despois da presentación estreouse a montaxe audiovisual que se trata “dun vídeo colectivo baseado en breves entrevistas a veciños e veciñas de Foz realizadas polas alumnas Uxía Rodríguez, Rosa Martín, Marta Rega, Eva Martínez, Lucía Agrelo, Paola García e Naila García. A través da visión de Julia, traballadora social; Antonio, cura; Otilia, vendedora de peixe; Fina, policía local; Marcelino, ferreteiro; Rosa, costureira; e Eddy, estudante no IES de Foz; achegámonos á realidade cotiá do seu traballo e ao uso consciente da lingua galega”.
A dirección e montaxe son de Roi Cagiao, profesor do IES de Foz e finalista na última edición dos premios Mestre Mateo, na categoría de Documental, coa súa obra Vigo 1972. O son e a música orixinal son froito da colaboración de Alberto Aguado, profesor no IES Illa de Sarón, de Xove.
Despois da proxección o acto rematou con todos os participantes no documental subidos ao escenario da Casa da Cultura focense para facer unha foto xuntos.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
