RIBADEO (FNC) .- Alumnos do CEIP Gregorio Sanz e os IES Porta da Auga de Ribadeo participaron esta mañá nunha xornada formativa sobre a Lectura da paisaxe, organizada polo Núcleo de Sostibilidade. Pola tarde rematarán cun obradoiro na Casa da Ría no que “se lles mostrará aos nenos e aos profesores que están implicados na Axenda 21 Escolar cómo interpretar esta paisaxe de forma directa, vendo as montañas e a ría de Ribadeo”, segundo explica o edil de Medio Ambiente.
Horacio Cupeiro sinalou que “estas charlas facémolas dentro do programa da Axenda 21 Escolar que se puxo en marcha a través do Núcleo de Sostibilidade e o que pretendemos é educar aos pequenos para que no futuro a cultura da sostibilidade sexa un valor de toda a cidadanía. O que queremos, e seguro que o conseguiremos, é que a poboación se implique directamente na construcción do futuro do noso concello a través dos foros de participación cidadá que están incluidos tanto a través da Axenda 21 Escolar como da Axenda 21 Local”.
O concelleiro nacionalista engadiu que “dende o cumio da terra de 1992 en Río de Xaneiro no que se definiu o desenvolvemento sostible e despois de asinar o noso Concello a carta de Aalborg máis 10 sobre as cidades e pobos sostibles Ribadeo debe implicarse cada día máis na conservación do planeta e non queda outra forma que facelo de xeito sostible compatibilizando o desenvolvemento económico e social co medio ambiente. Este é o fin que pretendemos conseguir despois de formar aos nenos de Ribadeo para que eses futuros rexidores e gobernantes o saiban facer de forma sostible. Queremos que os nenos consigan levar a cabo o desenvolvemento sostible para que o noso planeta non sufra as consecuencias que está a sufrir hoxe”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
