NOTA DE PRENSA:
VILLARES INTENTA MINIMIZAR OS DANOS CAUSADOS POLA RIADA EN CERVO E DASE POR SATISFEITO COA CHAMADA DE FEIJOO
Os nacionalistas esíxenlle ao alcalde que actúe como tal e deixe de tapar a ausencia de apoio da administración autonómica
O parlamentar Fernando Blanco comprobou en Cervo os danos causados pola riada e anunciou iniciativas parlamentares para apoiar a recuperación do danos.
Cervo, 28 de xaneiro de 2010. O BNG demandou ao alcalde de Cervo que actúe como tal e deixe de tapar a ausencia de apoios da Xunta de Galiza para recuperar os bens públicos e privados danados pola riada do 23 de xaneiro. Dende o grupo municipal nacionalista consideran que o alcalde trata de minimizar os danos causados pola riada para non requirir axudas da Xunta. Os nacionalistas volveron reclamar ao goberno local unha valoración da desfeita nas infraestruturas públicas e privadas a fin de reclamar á Xunta de Galiza apoios económicos para a súa recuperación. O parlamentar Fernando Blanco que visitou varios puntos do concello presentará iniciativas no parlamento para esixir que a Xunta apoie economicamente a recuperación dos danos.
O BNG demandará no Parlamento axudas para recuperar os danos causados en bens públicos e privados.
Os danos causados pola riada en Cervo o día 23 superan en moito os 100.0000 euros dispostos pola Xunta para toda a comarca, o parlamentar nacionalista, Fernando Blanco, visitou onte co responsábel comarcal do BNG, Antonio Veiga e o concelleiro, Xoán Estúa, varios puntos do concello afectados pola riada. Os nacionalistas anunciaron a presentación de iniciativas parlamentares dirixidas a apoiar tanto á administración local como a particulares e empresas na reconstrución dos bens danados pola avalancha de auga do día 23.
En Cervo vanse precisar axudas da Xunta para devolver a normalidade, aínda que o alcalde estea empeñado en reducir a desfeita.
O BNG de Cervo denunciou a actitude demagóxica do alcalde popular, Alfonso Villares, que trata de tapar os danos causados pola riada en Cervo para non esixir á Xunta de Galiza apoios económicos para recuperar as perdas causadas en bens públicos e privados. Os nacionalistas esixiron ao goberno local que actúe como tal e poña en marcha os mecanismos necesarios para avaliar os danos e reclamar os apoios precisos para recuperar o antes posíbel as pontes, saneamento, camiños, pistas e abastecementos de auga danadas pola riada, ademais dos importantes danos causados a empresas e particulares.
Os nacionalistas pregúntanse onde está a colaboración e a man tendida do goberno amigo
Xoán Antón Estúa, portavoz municipal nacionalista, ironizou coa alegría do alcalde ao recibir a chamada de Feijoo, xa que “mentres o alcalde escorre o vulto falando co presidente, os veciños e veciñas de Cervo tentan recuperarse sos dos efectos da riada”. Estúa cualificou de patética a actitude do alcalde, Villares ademais de darse por satisfeito coas chamadas de Santiago, chégalle coa presenza de tres operarios enviados por Medio Ambiente; o nacionalista chamou a atención sobre a curiosa forma de cuantificar os apoios do alcalde, “mentres tres brigadas de Medio Rural traballaban no monte fai un ano o alcalde falaba de abandono, e agora tres operarios postos polo goberno amigo, son suficientes e esenciais para reparar os efectos da riada”
Hai casas en Cervo que dende o sábado en lugar de auga teñen chocolate
Por último, Estúa volveu demandar medidas para evitar inundacións como a sucedida o pasado sábado, “non e normal que polo río baixen troncos das dimensións que se viron o sábado”, o nacionalista demandou maior control e limpeza nos cauces de ríos e regatos. Estúa ademais esixiu explicacións ao alcalde xa que dende o sábado hai moitas casas en Cervo que en lugar de auga, teñen chocolate.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
