NOTA DE PRENSA
Balseiro e López preguntarán á Consellería de Presidencia cándo vai a restablecer o servizo de autopsias nos hospitais de Burela e Monforte
* Os deputados lembran que a restablecemento deste servizo, que a Xunta bipartita centralizou en Lugo, foi unha das reivindicacións do Partido Popular na pasada campaña electoral das autonómicas
Lugo, a 26 de xaneiro de 2010.- Os deputados José Manuel Balseiro Orol e Dámaso López Rodríguez interesaránse no Parlamento de Galicia sobre as previsións da Xunta de Galicia para restablecer o servizo de autopsias no Hospital da Costa (Burela) e no Hospital de Monforte.
Os deputados populares presentaron una pregunta con carácter de urxencia ó considerar que a dilación na realización de autopsias nos dous centros hospitalarios mencionados están a provocar múltiples prexuizos ós veciños do norte e do sur da provincia de Lugo
Balseiro e López lembran que unha das principais reivindicacións do Partido Popular en relación coa mellora da atención sanitaria na pasada lexislatura foi a recuperación nos hospitais de Burela e Monforte do servizo de autopsias. O Grupo Parlamentario Popular e, de xeito especial, os deputados asinantes desta iniciativa, insistiron en reiteradas ocasións na importancia de contar con este servizo en ambos centros hospitalarios para evitar prexuízos innecesarios ós familiares daqueles falecidos que precisaban da practica dun exame forense, unha reivindicación na que cabe insistir por responder ó sentido común e ser de xustiza.
Cómpre subliñar que foi o Partido Popular quen liderou esta petición –fortemente apoiada desde a sociedade civil das comarcas da Mariña e da Zona Sur- despois de que unha decisión inxustificable do Goberno bipartito, en abril de 2006, acordara a centralización da práctica das autopsias nas instalacións que o Instituto Galego de Medicina Legal (IMELGA) posúe na capital provincial de tal xeito que, os familiares daqueles persoas que falecían nalgún dos concellos lucenses, e cuxo cadáver precisa deste tipo de exames, víanse na obriga de soportar largas esperas que, como media, se sitúan entre as 18 e as 24 horas.
As enormes dilacións na posta a disposición das familias dos cadáveres dos seus seres queridos, motivadas pola necesidade de sometelos a continuos traslados, desde o lugar onde se produciu o deceso ata Lugo, e de alí ata o lugar onde este previsto realizar o funeral, non servían máis que para incrementar a dor e a angustia das familias afectadas por unha dura perda e dificultan a posibilidade de compartir os derradeiros instantes de despedida previos á inhumación.
Malia que nun primeiro momento o IMELGA acordou a recuperación da práctica das autopsias nos hospitais de Burela e de Monforte, a carencia de facultativos especialistas en medicina legal e as dificultades para cubrir as vacantes destes postos, obrigou a que de novo, na práctica, se centralizase a realización das autopsias en Lugo capital, explican os deputados populares.
Conscientes desta situación e co obxectivo de evitar demoras moi prolongadas, os responsables do Goberno autonómico actual decidiron ampliar o horario do IMELGA en Lugo, e véñense practicando autopsias en horario de tarde, a diferenza do que acontecía na pasada lexislatura do bipartito. En todo caso, segundo puntualizan os deputados populares, o que se presentou como unha situación provisional se está a perpetuar no tempo o que aconsella desenvolver as xestións necesarias para corrixir esta situación e acadar o restablecemento do servizo nos Hospitais da Costa e no Hospital comarcal de Monforte. E é esta a razón pola que preguntarán á Consellería de Presidencia sobre as previsións que ten a este respecto.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
