Lugo, 22 de maio de 2018.- Xunta e o Goberno central destinaron máis de 376.000 euros para impulsar 63 actuacións de mellora de vivendas e edificios de Lourenzá a través da Área de Rehabilitación Integral (ARI) do municipio.
A ARI de Lourenzá foi declarada en 29 de xaneiro de 2003, e desde entón asináronse oito convenios para financiar distintas obras, que suman un investimento mobilizado que supera os 1,3 millóns de euros.
No último acordo asinado o 26 de outubro de 2017, programouse a rehabilitación de 5 vivendas para o que se reserva un orzamento que supera os 81.500 euros.
Así o explicou o delegado territorial da Xunta en Lugo, José Manuel Balseiro, quen fixo balance dos recursos económicos que o Goberno galego, en colaboración co Ministerio de Fomento, destinan a este programa que pretende a mellora dos inmobles e a urbanización de espazos.
Oficina de rehabilitación
Os beneficiarios finais dos fondos son os propietarios de vivendas emprazados no ámbito de actuación, que reciben axudas a fondo perdido para as obras de rehabilitación que realicen, pero tamén poden beneficiarse das axudas os propios concellos para a realización de actuacións de urbanización.
Os convenios establecen que a Xunta de Galicia e o Goberno central achegan os recursos económicos para outorgar as axudas, mentres que o Concello é a entidade encargada de tramitalas a través da oficina municipal de rehabilitación.
A ARI de Lourenzá comprende un amplo conxunto configurado por dúas zonas: o entorno BIC do Mosteiro de San Salvador e o solo urbano inmediato a este. A superficie total da área de rehabilitación, é de 4,30 hectáreas. O tecido residencial artéllase entre o conxunto eclesiástico que forman o Mosteiro de San Salvador e a Igrexa de Santa María de Valdeflores por unha banda, e as edificacións de usos civil e administrativo. Neste ámbito sitúanse 189 vivendas que son obxecto potencial de rehabilitación.
Actualmente existen 69 Áreas de Rehabilitación Integral declaradas en 41 concellos de toda Galicia, 13 delas na provincia de Lugo
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
