BURELA .- A delegada territorial da Xunta, Raquel Arias, fixo entrega hoxe de seis vivendas de promoción pública construídas nas rúas Luís Seoane e Valle Inclán, en Burela, nun acto celebrado na notaría da localidade situada na Praza da Mariña.
Cinco destas vivendas foron adxudicadas en réxime de aluguer, por prezos que oscilan entre os 98,96 e os 130,65 euros mensuais. A sexta foi vendida por un importe de 52.921,96 euros.
As vivendas teñen tres dormitorios e unha superficie útil de 65,91 metros cadrados, salvo unha que só dispón de dous cuartos. Forman parte dunha promoción completa de 32 pisos, que quedaran vacantes tras dunha primeira fase de adxudicación celebrada o pasado ano.
A delegada territorial da Xunta en Lugo, Raquel Arias, afirmou que “o Goberno galego ten en conta a necesidade de apoiar aos cidadáns para o aluguer o adquisición de vivenda, máis aínda nun momento como o actual”. Así, a representante do Executivo galego destacou o compromiso que este posúe neste ámbito coa provincia de Lugo, para a que no presente ano realizarase “un investimento de arredor de 6,5 millóns de euros en vivenda de promoción pública a fin de facilitar o acceso a un fogar de seu aos cidadáns de Lugo que lles corresponda.
A construción desta promoción deu comezo en decembro de 2004 e rematou tres anos despois. A primeira lista de posibles adxudicatarios abriuse no 2005, aínda que a falta de candidatos suficientes que reuniran os requisitos retrasou o proceso ata conseguir, finalmente, adxudicar o groso das vivendas o pasado ano.
Arias recordou que, no tocante á comarca da Mariña, no presente ano está prevista a posta en marcha de vivendas de promoción pública “en dous concellos: en Alfoz e Ourol. Deste xeito, a Xunta atende a cobertura da demanda existente”.
Os seis pisos que hoxe foron entregados aos arrendatarios e ao propietario eran as últimas vacantes dispoñibles nesta promoción. No acto de entrega estivo tamén presente o xefe territorial de Medio Ambiente, Territorio e Infraestruturas, José María López Vega.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
