LUGO .- A Xunta de Goberno da Deputación aprobou este venres os expedentes de contratación do servizo de asistencia técnica e mantemento dos telecentros dependentes da Deputación por un importe de 88.104 euros. O organismo provincial decidiu manter o servizo de telecentros rurais logo de que rematase o convenio asinado en 2008 coa empresa pública Red.es. A través deste convenio os Concellos incluídos no proxecto aportaban os locais para os telecentros e a Deputación financiaba o 50% dos gastos de equipamento, mantemento, conectividade, encargándose Red,es de sufragar a parte restante.
Con novo sistema, conséguese reducir o custe do mantemento deste servizo nun 59%. É dicir, o investimento que realizaba o organismo provincial segundo o convenio era de 150.596 euros e agora de 88.000 euros. O voceiro provincial socialista, Antonio Gato Soengas, subliñou que “esta é unha forma de Cooperación cos Concellos e sen ningunha limitación na cor política, xa que a institución provincial asume o custe deste servizo e o mantemento, algo ó que non estaba obrigada, unha vez finalizado o devandito convenio”.
A análise das cifras de uso dos centros realizada pola institución provincial denotou que nalgúns casos o índice de utilización dalgúns era moi baixo ou inexistente, “polo que nos vimos na obriga de pechar algúns, xa que isto podía ser un un gasto destes recursos”. Neste senso, Gato Soengas puntualizou que se decidiu darlle un xiro a este sistema asumindo o control dos restantes, e facendo un uso racional dos mesmos.
Un dos eixos de actuación da Deputación é a implantación das novas tecnoloxías na provincia que se efectiva en 2010 co programa europeo Innova-TE, polo que co mantemento dos telecentros constribuirase tamén a achegar a Internet e as novas tecnoloxías á zona rural e reducir a fenda dixial que existe entre as cidades e os núcleos rurais.
Para isto leváronse a cabo varias reunións e conversas cos Alcaldes dos Concellos nos que existen estos locais. Deste xeito, o organismo provincial pretende cubrir a demanda existente de acceso a servizos de banda ancha en 42 Concellos da provincia renovando e ampliando o equipamento dos 57 telecentros xa existentes: Abadín (4), Alfoz, Antas de Ulla, As Nogais, Baleira, Baralla, Barreiros, Begonte, Bóveda, Carballedo, Castroverde, Cervantes, Cospeito, Folgoso do Courel, Foz (3), Friol, Guitiriz (6), Láncara (2), Lugo, Muras, Negueira de Muñiz, O Corgo, O Incio, O Saviñao, O Valadouro, O Vicedo, Ourol, Palas de Rei, Pantón, Paradela, Pedrafita do Cebreiro, Pobra de Brollón, Pol (2), Quiroga, Rábade, Ribas de Sil, Riotorto, Sober, Taboada, Triacastela, Viveiro (3) e Xermade (2).
A contratación de novos servizos de auditoría, consultoría e mantemento, permitirá obter unha diagnose de cada un dos telecentros, atendendo ás seguintes actuacións: inventario do equipamento existente, características do mesmo e estado; estudo das posibles avarías ou equipamento en mal estado; auditoría do servizo de acceso a internet contratado; control de acceso dos usuarios aos equipos e á conexión a internet; e situación da seguridade física e eléctrica das instalacións e sistemas (instalación eléctrica, instalación de la red local, medidas para el control de acceso a las instalacións e horarios de funcionamento).
Unha vez rematadas estas tarefas, entregarase unha memoria que recollerá de xeito detallado o estado actual dos sistemas de información dos telecentros, o que lle permitirá ó organismo provincial obter as claves para mellorar as prestacións e a conexión á internet dos usuarios.
Outros acordos da Xunta de Goberno
Tamén se aprobaron 4 actuacións máis do canon hidroelétrico das anualidades 200-2009 por valor de 466.790 euros. Corresponden á redacción do proxecto e adxudicación provisional da iluminación do paseo fluvial do río Cabe, en Monforte de Lemos; a pavimentación da rúa Benigno Quiroga, en Portomarín; a renovación da traída de auga na rúa Chao Falcón, en Pantón; e a axdudicación provisional do acondicionamento e mellora de accesos no termo municipal de Pobra de Brollón.
Gato Soengas lembrou que a semana pasada o Presidente da Deputación pechou o Plan de Obras co Alcalde de Paradela. “É unha práctica que se está a seguir con todos os Concellos e que está a dar resultados bos, xa que os acordos prodúcense por unanimidade”.
O canon tivo ó equipo de goberno ocupado durante todo o ano 2009. “Foi un interesante traballo do organismo provincial para conseguir, en primeiro lugar os acordos e, e en segundo, para ir executando as obras que están presididas polo consenso e o entendemento entre a Deputaicón e os Alcaldes. Habería que preguntar por este traballo que desenvolvemos ó señor Barcia e ó señor Barreiro cando din que non se fai nada na Deputación”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
