LUGO .- A vicepresidenta segunda da Deputación, Lara Méndez, supervisou este mércores a posta en marcha da certificación mediambiental das praias na que está a traballar o organismo provincial dentro da súa aposta polo medioambiente como unha oportunidade económica. Lara Méndez indicou que esta semana a Deputación visitará as máis de 40 praias dos 5 Concellos que se adheriron a esta iniciativa para facer unha diagnose da súa situación. “Trátase de analizar o estado das aguas e dos areais de cada unha delas. Por exemplo, analizaremos se existe algún tipo de verquido, un porto lindeiro, ou algunha zona protexida”, explicou.
O organismo provincial supervisará estes días os areais de Ribadeo, Viveiro, Foz, O Vicedo, e Burela, Concellos de todas as cores políticas que se sumaron á iniciativa da Deputación. Neste senso, a Vicepresidenta Segunda lamentou que os rexedores de Xove, Barreiros, e o Cervo non se adherisen ó proxecto, xa que “a pesares das reiteradas invitacións da Deputación, antepoñen os seus intereses partidistas ao desenvolvemento da provincia, e ao benestar dos veciños”.
Reunións mensuais
A responsable da área de Promoción Económica e de Emprego da Deputación subliñou que, logo de facer este estudo, o Presidente do organismo provincial, José Ramón Gómez Besteiro, dará conta do seu resultado aos 5 rexedores nun encontro a comezos de febreiros na Casa da Cultura do Vicedo.
Lara Méndez avanzou que Gómez Besteiro reunirase cada mes cos 5 Acaldes para avanzar nos traballos que conleva a certificación medioambiental das praias. “Serán encontros rotatorios, é dicir, que se irán celebrando en cada un dos Concellos involucrados neste proxecto, e nos que participará sempre o Presidente da Deputación e os 5 rexedores”, salientou.
“Máis alá da bandeira azul”
A Vicepresidenta Segunda subliñou que a certificación na que está a traballar a Deputación “vai máis alá da bandeira azul. É un distintivo co que lograremos praias de auténtica calidade ao garantir o cumprimento do regulamento máis esixente e prestixioso da Unión Europea, o EMAS”. Neste senso, Lara Méndez incidiu en que, mentras a bandeira azul é unha fotografía da praia que se dá nun momento determinado, a ISO 14.001 que implantará a Deputación acredita unha mellora constante ao rexerse pola normativa comunitaria medioambiental máis estricta.
Asimesmo, explicou que a diferenza da Q de calidade, a certificación proposta polo organismo provincial non só atende ás demandas dos turistas que marcan as empresas, senón tamén ás leis medioambientais dos expertos da Unión Europea. “Estamos por tanto, ante unha certificación que garante unha correcta xestión ambiental, minimizando o impacto nas praias, e o que é máis importante, nos veciños”, destacou.
Aposta polo ecoturismo
A iniciativa da Deputación enmárcase dentro da aposta do organismo provincial polo medioambiente como unha oportunidade económica. A Vicepresidenta Segunda subliñou que “nun momento de crise como o actual, e tendo en conta a importancia do sector turístico, damos un paso máis no desenvolvemento da nosa provincia, facendo das nosas praias un referente turístico. Con esta certificación, os areais da Mariña terán un valor engadido que se traduce nun reactivador económico.”.
En España contan coa ISO 14.001 as praias das Comunidades de Valencia, Cataluña, Baleares e Andalucía, “as raínas do turismo”. No noroeste, só teñen este distintivo, algúns areais de Biscaia e A Coruña.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
