Nota de Prensa
Orzamentos decepcionantes
Onte, luns 18 de xaneiro, ás 19:00 horas, celebrouse no Salón de Plenos da Casa do Concello de Xove o pleno para a aprobación do Orzamento 2010 para o noso municipio.
“Ben deitamos do Plan E”, asegurou con preocupación o responsábel local do BNG. Marco López amosou a súa tristura polo feito de que teña que ser o Estado quen veña investir en Xove “cando nós somos un Concello rico”. O cargo orgánico do Bloque xovense queixouse de que, dun orzamento total de 6.601.341 € só se destine para investimentos reais o 6 % (398.120 €), case a metade do que se asignou o ano pasado. Así e todo, este ano o gasto de persoal increméntase en preto dun 20 %, é dicir, este ano destínanse 470.810 € máis a persoal que no exercicio anterior (ano 2009: 2.547.07 € / ano 2010: 3.017.880 €).
Marco López quixo lembrar que o Concello de Xove está máis que preparado para responder eficazmente á situación económica actual, cousa que outros municipios da Mariña non poden facer “ao non teren cartos nin para as nóminas”.
O concelleiro do BNG, Xesús Fernández Bouza, manifestou nesta mesma liña a súa preocupación pola “ausencia de ideas e de ambición” do equipo de goberno e a falta de vontade para acometer obras prioritarias para os nacionalistas como, por exemplo, o “saneamento integral das parroquias”.
Bouza tamén quixo lembrar que, do 6 % de investimento real recollido no Orzamento 2010, o 3,5 % correspóndese coa devolución dunha débeda contraída pola Xunta con gobernos municipais anteriores pola compra de solo no Polígono Industrial de Camba; unha débeda que cobra o actual goberno municipal, pero que non é mérito deles.
O PP só tivo en conta unha das sete propostas de investimento no Concello de Xove presentadas polo grupo municipal do BNG, correspondéndose esta co abastecemento de augas das parroquias de Lago, Morás, Portocelo, Xuances e Monte. Ademais, o Concello só achegará para esta obra 19.000 €, completando o seu financiamento a Deputación de Lugo e mais o Ministerio de Administración Públicas con outros 39.000 €. Os concelleiros do PP deron moitas explicacións, pero no seu relatorio non se viron máis ca tímidas escusas e boas intencións.
O portavoz do AVEXO lembrou presupostos anteriores con máis investimento real e cualificaron este orzamento de pouco ilusionante. O PSdeG criticou que teñamos o mesmo presuposto do ano pasado, pero a metade do investimento real.
BNG e PSdeG votaron en contra e AVEXO abstívose. Isto, co voto a favor do goberno en minoría do PP, provocou que se aprobara o Orzamento 2010.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
