Lugo, 8 de febreiro de 2018.- A directora da Axencia Galega de Innovación (Gain), Patricia Argerey, participou esta mañá na xornada de presentación da convocatoria Conecta Peme 2018 en Lugo, organizada en colaboración coa Fundación da Confederación de Empresarios de Lugo. Argerey explicou ante máis de 30 axentes do sistema galego de innovación que o obxectivo desta convocatoria é seguir incrementando a competitividade das empresas galegas, especialmente das pemes, a través do apoio a proxectos de I+D+i de agrupacións de empresas.
Este obxectivo alíñase co futuro Plan Galicia Innova 2020 que, baixo o lema Galicia 2020: un territorio para innovar, aspira a consolidar un modelo de crecemento sostible baseado na I+D+i como factor clave para garantir a competitividade da nosa economía e dar resposta aos retos aos que se enfronta a sociedade galega. Neste marco, o papel das pemes é fundamental e, por iso, a directora de Gain subliñou que “queremos máis pemes innovadoras e que as pemes innoven máis”.
Novidades desta edición
Nesta cuarta edición, que se convoca hoxe a través do Diario Oficial de Galicia (DOG) e que se pecha o 8 de marzo, o orzamento medra un 8% respecto da anterior, acadando os 27 millóns de euros. Con este investimento público, cofinanciado polo Programa Operativo Feder Galicia 2014-2020, espérase mobilizar un total de 50 millóns de euros a través duns 70 proxectos de I+D+i. Dende a súa posta en marcha en 2013, o programa Conecta Peme conseguiu xerar investimentos por máis de 100 millóns de euros a través de 133 proxectos de cooperación nos que participaron preto de 520 empresas.
As principais novidades desta edición, segundo informou Patricia Argerey, son que se valorarán máis aqueles proxectos de I+D que estean máis próximos ao mercado e que recibirán máis puntuación aqueles que creen máis emprego. Ademais, aumenta de dous a tres o número mínimo de empresas que deben participar no consorcio e limítase a intensidade da axuda para aquelas empresas que participen en tres ou máis proxectos, co obxectivo de favorecer a concorrencia.
Características dos proxectos
Os beneficiarios da convocatoria son agrupacións de empresas, entre tres e seis, formadas por alomenos unha peme e como máximo unha grande empresa. O orzamento dos proxectos debe ser de entre 500.000 e 1,5 millóns de euros e a intensidade da axuda varía dependendo do tamaño da empresa e do tipo de proxecto, chegando aos límites máximos permitidos por Europa. Os proxectos deben estar aliñados cos retos e prioridades da Estratexia de Especialización Intelixente de Galicia e valorarase positivamente a participación no proxecto dun organismo de investigación.
Nos vindeiros días celebrarase esta xornada de presentación da convocatoria en Vigo,
A Coruña e Ourense. O programa da xornada, así como o formulario de inscrición están dispoñibles na páxina web de Gain.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
