Castro de Rei, 23 de xaneiro de 2018.- A directora da Axencia Galega de Innovación (GAIN), Patricia Argerey Vilar, deu hoxe a benvida a Galicia aos socios do proxecto europeo EUFAR2 (European Facility for Airborne Research), que se reúnen esta semana en Lugo, baixo a coordinación do Instituto Nacional de Técnica Aeroespacial (INTA).
Este proxecto, financiado polo 7º Programa Cadro comunitario, aglutina a 24 institucións e compañías europeas (procedentes de Alemaña, Francia, Italia, Reino Unido, Bélxica, Austria, Suíza, Polonia, República Checa, Israel e España) involucradas na investigación do medio ambiente, tanto atmosférico como terrestre ou mariño, a través do uso de aeronaves, co obxectivo de apoiar á comunidade científica de toda Europa, dándolle acceso a infraestruturas de investigación que, doutro xeito, serían inaccesibles nos seus países de orixe.
Argerey explicou ante uns corenta científicos e tecnólogos de prestixiosos institutos, universidades e asociacións de toda Europa a aposta da Xunta pola investigación e o desenvolvemento no sector aeroespacial e, máis concretamente, no campo dos vehículos non tripulados para usos civís, a través da Civil UAVs Initiative. Esta iniciativa, que ten o seu epicentro no aeródromo de Rozas, conleva un investimento total de 150 millóns de euros, e implica a un amplo conxunto de axentes: ministerios de Defensa e Economía, todos os departamentos da Xunta de Galicia, os socios tecnolóxicos Indra e Babcock e o tecido industrial e centros de coñecemento galegos.
A directora de GAIN apuntou que a Xunta e o INTA están a pór en marcha o Centro de Investigación Aerotransportada de Rozas (CIAR) co obxectivo de contar cun centro de referencia en I+D no ámbito das aeronaves non tripuladas, que poida prestar apoio aos proxectos que se están desenvolvendo no marco da iniciativa.
Con xornadas coma esta, Argerey destacou que se persegue pór en valor e optimizar as infraestruturas e equipamentos dispoñibles en Galicia, ao tempo que indicou que a Xunta está a promover un plan director, que prevé o desenvolvemento futuro das instalacións, e sinalou que proximamente se construirán os hangares dos socios tecnolóxicos, Indra e Babcock, neste entorno.
Por último, Argerey aclarou que, ademais do programa de I+D da iniciativa, no que os socios tecnolóxicos Indra e Babcock están a desenvolver 20 proxectos de investigación e desenvolvemento vinculados con dúas plataformas aéreas e unha mariña, a Xunta está licitando dez contratacións para mercar solucións tecnolóxicas para mellorar a eficacia na prestación de determinados servizos públicos a través do uso de UAVs (Vehículos Aéreos non Tripulados). Todo elo, co obxectivo de impulsar un cambio innovador desde a Administración, que contribúa a dinamizar os sectores industriais galegos a través da innovación, que mellore a prestación de servizos públicos en ámbitos estratéxicos para a Comunidade galega e que posicione a Galicia como un referente a nivel internacional nos usos e tecnoloxías dos UAVs.
O proxecto EUFAR
A asemblea xeral do proxecto EUFAR, que se está a celebrar esta semana en Lugo, ten como obxectivo discutir e elaborar unha estratexia futura que permita a consolidación da asociación EUFAR, nada en 2017, e a preparación dunha proposta de candidatura á convocatoria do programa comunitario Horizonte 2020 de Infraestruturas de Investigación Europeas de Comunidades Avanzadas, dedicadas ao apoio á investigación medioambiental e das Ciencias da Terra.
A directora de GAIN desexou moita sorte aos socios nesta candidatura e felicitounos polos resultados acadados ata agora polo proxecto. Entre as entidades representadas nas xornadas atópanse o Centro Nacional de Investigación Científica (CNRS, Francia); o Centro alemán da aviación e do espazo (DLR, Alemaña); o Consello Nacional de Investigación (Italia); a MetOffice (Reino Unido); a Oficina Nacional de Estudos e Investigacións Aeroespaciais (ONERA, Francia); e as universidades de Tel Aviv, Lipzig, Zurich, Edimburgo, Leeds, York ou Varsovia, entre outros.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
