Ribadeo, 11 de xaneiro de 2018. Música, cine, teatro, os IES literarios e dous certames conforman a axenda cultural do Concello de Ribadeo para o primeiro trimestre de 2018. O programa foi presentado esta tarde por Farruco Graña.
O concelleiro de Cultura dixo que “antes de entrar no que é a presentación da axenda cultural deste trimestre en Ribadeo queremos nomear dúas convocatorias moi interesantes e con premio. Presentámolas no seu día mais lembrámolas por entrarmos xa de cheo nos prazos en que poden presentarse os traballos. A primeira é o II Certame literario e de artes plásticas xuvenil Concello de Ribadeo, que busca premiar propostas creativas de mozas e mozos dos concellos da Mariña. Un premio de 500 euros recoñecerá os traballos gañadores en cada categoría e o prazo de presentación remata o 31 de marzo deste ano. Tedes toda a información na web do Concello, no apartado de novas. E a segunda é a dos II Premios youtubeir@s, convocado pola USC, a Universidade de Vigo, a Deputación da Coruña e unha serie de concellos entre os que está Ribadeo. Trátase de premiar os vídeos en galego na rede. Persoas mozas e maiores que teñan algo que contar optarán a tres premios de 1000 euros e 5 de 500. Sabemos que en Ribadeo xa hai diversos colectivos ,ou persoas a título individual, que soben vídeos á rede. Son unhas veces titoriais de como facer algo, ou expresión das súas opinión sobre diversos temas. Animámolas a todas a presentarse ao concurso de Youtubeir@s que remate o 15 de marzo”.
Sobre a axenda cultura para este trimestre o edil nacionalista contou que “continuamos este ano cos IES Literarios para achegar obras e autoras e autores aos centros de ensino. Eva Mejuto, por exemplo, falará da súa exitosa obra 22 segundos este trimestre no IES de Ribadeo. E no apartado das artes da imaxe, este sábado, 13 de xaneiro, ás oito da tarde no teatro teremos unha mostra de cinema galego na variante de curtametraxe a través do ciclo Ficciónate. Poderemos ver curtametraxes e teremos a oportunidade de escoitar tamén os seus directores”.
Graña seguiu a relatar que “en canto á música, unha vez máis presentamos un abano de diferentes estilos. Na fin de semana do 20 e 21 de xaneiro a EMMDR organiza o Curso de Música Tradicional. O coro Uganda Natumayini, que xa actuara con grande éxito hai uns anos no noso Teatro, volve tamén nun concerto solidario o 1 de febreiro. Como vén sendo habitual desde a súa creación, o Concello de Ribadeo celebra o Día de Rosalía de Castro. E así, o 24 de febreiro, o día do seu nacemento, poderemos asistir ao concerto da formación feminina Áureas. A música clásica ten o seu espazo no mes de marzo co concerto de piano das ribadenses M. Ángeles Ríos e Mercedes Eiros. E tamén neste trimestre poderemos asistir ás Audicións do alumnado da EMMDR”.
O programa Apego tamén estará moi presente na programación cultural de Ribadeo, “que como saberedes xiran en torno á infancia e á transmisión do noso idioma. O día 25 de xaneiro e en colaboración co alumnado do ciclo de infantil do CIFP Porta da Auga habería unha sesión de arrolos no Teatro para os bebés máis noviños. Para estes obradoiros será preciso anotarse. Xa para nenos e nenas máis grandiños, de 3 a 8 anos , a compañía Elefante Elegante representará a Danza da choiva. Tamén para esas idades e a través do programa Ler conta moito haberá unha sesión de animación á lectura na biblioteca pública. E volvendo aos bebés, pero xa ata os 4 aniños , temos dúas sesións para as que tamén hai que inscribirse, co espectáculo de percusión e arpa de Marcelo Dobode e Bea Martínez titulado Percubebés”.
O concelleiro de Cultura aludiu ao teatro que se poderá ver en Ribadeo estes meses, “comezamos con comedia a finais deste mes. O día 28 de xaneiro Isabel Risco, Pedro Brandariz e Fran Rei poñen en escena Falar sen cancelas. Xa en marzo recibimos ao grupo de teatro Ollomao, de Barreiros, coa súa exitosa Enciclopedia Álvarez e tamén nese mes un dos espectáculos máis premiados no noso panorama teatral. Ibuprofeno Teatro representará Raclette, premio Maria Casares ao mellor texto, premio Álvaro Cunqueiro, mellor espectáculo na feira teatral de Ciudad Rodrigo, mellor espectáculo na feira de Castilla e León, etc, etc….en fin, unha proposta da compañía de Santiago Cortegoso e Marián Bañobre que non podemos perder”.
E engadiu: “para rematar, animar a todos os veciños e veciñas a participar no Entroido, a festa máis importante deste trimestre. A súa programación será presentada dentro duns días”. Farruco Graña indicou que “os folletos coa programación cultural do Concello de Ribadeo estarán ilustrados con fotos de persoas amantes da fotografía en Ribadeo e comarca. Nesta primeira ocasión podemos ver unha imaxe de Javier Peña. Agradecemos a todos os homes e mulleres afeccionados á fotografía a súa colaboración coa Concellaría de Cultura”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
