Cervo, 10 de Xaneiro de 2018 – Esta semana comezan as clases de Taiji Quan, máis coñecido coma “Tai Chi”, na residencia que a Asociación de Axuda ó enfermo mental “A Mariña” ten en Cervo. O acordo de colaboración parte da implicación da propia dirección do centro, con Mª José Novoa Rodríguez ao frente, así coma de Miguel A. Rojo e Marcos G. Villares ambos fundadores da Escuela de Artes Marciales de Cervo, tamén participa a Asociación Cultural Arroutados, da que tamén Marcos é o presidente. Nas clases practicarase a parte física e espiritual que o TaiJi Quan aporta e os numerosos beneficios que consigo trae de saúde física e mental, xa que é moi efectiva nos transtornos depresivos, ansiedade e estrés, mellorando o estado de ánimo e a capacidade de concentración, ademáis de producir endorfinas, as consideradas hormonas da xuventude e felicidade. Pouco a pouco os usuarios do centro poderanse mergullar neste apaixoante mundo e constatar por eles mesmos os beneficios que lles aportan
Tanto Cristina, coma Miguel e Marcos, recoñecen o esforzo que supón comezar unha actividade nova, pero ámbolos tres destacan o caracter positivo que a propia actividade trae consigo. Mª José Novoa Rodríguez, directora do centro destacou “Asisten usuarios tanto da unidade residencial de Cervo coma usuarios do centro de rehabilitación psicosocial e laboral de Burela”, Miguel A. Rojo, que pronto cumplirá 40 anos de práctica de Artes Marciais, destaca dende a súa experiencia ao longo dos anos “É innegable a mellora que o Taiji Quan produce nas persoas, vexoo tódolos días” e finalmente Marcos G. Villares quere aproveitar a ocasión para anunciar o seu compromiso coa iniciativa “O mellor que podemos facer as distintas asociacións e institucións é colaborar entre nós. Todo o que poidamos facer por mellorar a vida dos que temos ao carón, farémolo” tamén, e neste eido, aproveitou a ocasión para anunciar que está a traballar para traer novas actividades ao longo do ano e que planteará na Asociación de Veciños Cruz da Venta de San Ciprián, a cal preside dende o ano pasado. Unha delas incluirá o TaiJi Quan “Ésta é unha actividade que non ten límite de idade, dende os 5 anos ata a idade que nós mesmos desexemos podemos fortalecer a nosa vitalidade e a nosa saúde, de forma sinxela e divertíndonos”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
