Mondoñedo 13-11-17. A Rede do Patrimonio Cultural encherá Galicia de actividades en defensa do patrimonio
Con motivo do Día do Patrimonio Mundial que se celebra o vindeiro 16 de novembro, 29 entidades asociadas á esta rede organizarán máis de 40 actividades entre conferencias, andainas, concertos, e diversas actividades relacionadas co patrimonio. As accións realizaranse desde esta fin de semana e ao longo da seguinte.
Roteiros, visitas guiadas, conferencias, lectura de libros, concertos, xantares e actividades varias procurarán ao longo da vindeira semana concienciar aos galegos da importancia da conservación e promoción do patrimonio. Convocadas pola Rede do Patrimonio Cultural (RPC), un total de 29 entidades realizarán case 40 actividades para celebrar o Día do Patrimonio Mundial.
A UNESCO estableceu esa data no 16 de novembro, pero a RPC realizará actividades ao longo desta fin de semana e toda a que ven. Será a primeira vez que esta entidade contribúa á visibilización do patrimonio cultural galego e das entidades que o promoven, protexen e poñen en valor, ofrecendo un calendario conxunto de actividades do tecido patrimonial e cultural de Galicia. Ademais, a RPC propón empegar o cancelo #DiadoPatrimonio para as as comunicacións nas redes sociais relativas aos disintos eventos convoados.
Entre estas actividades salientan dez roteiros, 12 visitas guiadas, dous xantares populares, dúas charlas, unha xuntanza patrimonial, un programa de radio, un concerto, unha lectura de libros, unha proxección e unha publicación, entre outras.
Unha das actividades da Rede do Patrimonio será organizada en Mondoñedo pola asociación BATITALES coa colaboración do Cabildo da Catedral de Mondoñedo.
“TOQUES PARA SETE CAMPÁS”
O 16 de novembro, con inicio as 12h Concerto de toques de Campás na praza da Catedral de Mondoñedo (Patrimonio da Unesco), a cargo de Valentín Insua Palacios campaneiro da Catedral coa colaboración de sete campaneiros voluntarios.
Tocaránse as sete campás da torre esquerda de catedral mindoniense, as presentamos, cos seus diferentes nomes por orden de menor a maior diametro:
Nome tradicional – Nome inscrición – Nome bendición no 1868.
1- Agonía menor – Anepígrafa – Feliciana Aldeodata de Patrocinio.
2- Agonía mayor – Santa Bárbara – Fructuosa Bárbara de los Dolores.
3- Esquilón novo – Juan – Gonzala Juana de la Expectación.
4- Esquilón vello – sen inscrición-Martina de Jesús María y José.
5- Prima – Santiago e Rosendo – Jacoba María Concepción.
6- Ronda – María Rosenda – Ronda Rosenda María Natividad.
7- Paula – Santa Paula – Paula da Asunción.
mais información na páxina de facebook @batitales
A información, horarios, lugares e días das restantes actividades pódese consultar na web redepatrimonio.gal, onde tamén hai un mapa interactivo e os carteis con toda e cada unha das accións da RPC.
A Rede do Patrimonio Cultural
A Rede do Patrimonio Cultural botou a andar o día 3 de xuño de 2017 nun acto celebrado no Museo do Pobo Galego no que se aprobou un documento avalado por 69 asociacións e entidades galegas relacionadas co patrimonio cultural.
A RPC entende o noso patrimonio cultural como un dos principais activos sociais, identitarios e económicos de Galicia e, polo tanto, un recurso estratéxico para a sociedade galega contemporánea que debe ser conservado e transmitido, nas mellores condicións, ás vindeiras xeracións. Por iso, acolle a entidades que teñan por obxectivos a defensa e posta en valor do patrimonio cultural galego, tanto material como inmaterial. É un instrumento orientado a aqueles ámbitos territoriais ou sociopolíticos que resultan de difícil acceso para cada unha das entidades en particular.
Poden participar na RPC as asociacións, colectivos e entidades civís interesadas na divulgación e protección do patrimonio cultural, xa que esta entidade é un instrumento para a visibilización das actividades e accións das entidades participantes alén dos seus círculos habituais de difusión.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
