Encontro na cancha do C.B.Xove (foto: Miguel Fraga)
XOVE / LUGO (M.F.O) .- A última xornada do ano en Primeira Nacional deparou sendas derrotas para os dous equipos mariñáns. Aínda que con sabores distintos, pois o Xove estivo a piques de gañarlle ao sexto clasificado, e o Celtas caeu por 31 puntos ante un rival directo pola permanencia.
O C. B. Xove recibiu na súa pista ao Reale-Thebes de A Estrada que despois de ir perdendo case todo o partido finalmente levouse a vitoria por 60 puntos a 63. O partido comezou ben para os de Xove que con unha defensa en zona atascaron o ataque rival e fóronse ao descanso catro puntos arriba. No terceiro cuarto os xovenses non tiveron acertados de cara o aro e so puideron anotar 10 a pesar do cal mantiveron un punto de vantaxe para afrontar os últimos dez minutos. Nestes momentos finais a igualdade foi máxima. A falta de dous minutos os locais colleron unha pequena vantaxe pero os de A Estrada reaccionaron para a falta de oito segundos poñerse tres puntos arriba ( 60- 63 ), marcador que xa non se movería. Na última xogada os de Xove lanzaron un triple para empatar o partido pero a sorte non os acompañou encadeando así a súa oitava derrota consecutiva.
Polo C. B. Xove xogaron: Álvaro(6), Ángel(4), Andrés(11), Fernando(12), Alcalde(4) – Juanma(12), Javi(6), Piñon(5), Cuqui, José David e Eloy.
O Celtas-Primera Calidad enfrontouse en Lugo ao Estudiantes nun partido vital para acadar a permanencia. Os primeiros minutos do encontro estiveron cargados de imprecisións por ambos equipos e ao termino do primeiro cuarto o marcador reflectía un pobre 10 a 14 favorable aos focenses. No seguintes dez minutos os lugueses pisaron o acelerador e con unha defensa presionante a toda pista endosáronlle aos de Foz un parcial de 30 a 14. O segundo período foi mais do mesmo pois o Celtas so aguantou dez minutos, encaixando no ultimo cuarto outro parcial de 32 a 11. O resultado final de 87 puntos a 56 deixa aos focense con so unha vitoria tras os catorce partidos disputados. Polo Celtas-Primera Calidad xogaron: Sama(22), Diego, Miguel(12), Manolo(8), Eduardo – Ramón(2), Aarón(7), Brais(5), Lucas e Manuel
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
