Mondoñedo, 07 de agosto de 2017 .- A alcaldesa de Mondoñedo, Elena Candia, ve no complexo de apartamentos turísticos, que se acaba de inaugurar hoxe na cidade, “un novo paso cara adiante na dinamización, potenciación e impulso do turismo na localidade, que está a ter unha moi positiva tenza á alza”.
Elena Candia asistiu hoxe á inauguración das primeiras cinco vivendas de uso turístico que abriron as súas portas no casco histórico, e en cuxa xornada tamén participou a directora de Turismo de Galicia, Nava Castro. Estes apartamentos turísticos construíronse nun edificio antigo e rehabilitado para este uso na Rúa Leiras Pulpeiro, unha localización situada ao carón da zona da Alcántara.
Casa Pedrosa, nome do inmoble de apartamentos turísticos, “é unha aposta pola cidade, que permite a creación de novas prazas de estancia para os visitantes e axudaranos a ser máis competitivos no eido turístico, converténdose a historia que ten este edificio nun reclamo engadido”, asegurou a rexedora.
Ademais, para a alcaldesa este proxecto desenvolvido pola familia Pedrosa “non só é un impulso no eido turístico, a través del tamén se favoreceu a recuperación e rehabilitación dun antigo inmoble, dándolle, neste caso, un uso turístico”.
Así, Elena Candia mostrouse moi agradecida polo esforzo dos propietarios para renovar estas instalacións e pola “clara aposta que esta iniciativa supón para a cidade”.
Este proxecto de Casa Pedrosa, xunto a outros xa promovidos na localidade no eido da hostalería e o hospedaxe, sumados ás accións de xestión do Goberno local no ámbito turístico están a dar os seus froitos xa que os datos corroboran a tendencia á alza que está a conseguir o turismo na localidade, amosándose xa incrementos excepcionais no 2017, en todas as tipoloxías de visitantes.
Casa Pedrosa, histórico inmoble
Casa Pedrosa é un dos primeiros inmobles dos que se ten coñecemento da súa data de construción, debido á aparición no seu interior de lousas e pedras de granito nas que están escritas a cincel a fecha 1653.
O primeiro propietario e construtor da casa foi o licenciado D. Bartelomé de Villapol y Vega, maestrescuela da Catedral de Mondoñedo e, entre os seus sucesores, hai insignes personaxes de Mondoñedo, que xeración tras xeración foron ocupando o inmoble mellorándoo e manténdoo, sendo o actual propietario, Carlos María Pedrosa Pedrosa. O inmoble alberga escudos na fachada dianteira da rúa Leiras Pulpeiro e o logotipo e escudo de Casa Pedrosa.
Dentro das pautas marcadas polo Plan Especial de Reforma Interior do Casco Histórico de Mondoñedo, desenvolveuse o proxecto de execución de rehabilitación do edificio. Así o conxunto de comunicación vertical, dada a súa singular importancia como elemento arquitectónico dentro do edificio, proxectouse segundo o estado que tiña. Todo él, xiraba sobre una espléndida escaleira que o recorría dende a planta baixa ata a planta cuberta e no teito había e hai un lucernario con cristaleira, que da luz natural a toda a escaleira. Así, procedeuse a desmontaxe da escaleira e dos barrotes que sustentaban o pasamáns, numerando cada unha das pezas, para a súa posterior colocación, unha vez tratados; así como do portalón da vella entrada do paso de carruaxes, onde hoxe se instalou a entrada principal da casa.
Casa Pedrosa, pisos turísticos
Polo tanto, neste edificio antigo e unha vez rehabilitado, construíronse cinco vivendas cos seus correspondentes trasteiros, fora da casa, e no baixo tres locais. Todas as vivendas, cociñas, dormitorios e cuartos de baño están totalmente amoblados e avituallados con todo o necesario.
Dúas destas cinco vivendas, dispoñen de dous dormitorios; outros dous pisos constan de tres habitacións e, por último, un dos apartamentos está distribuído en catro dormitorios. Cada unha dos pisos de Casa Pedrosa, ten o seu nome: Xardín de Villapol e Fervenza da Recadieira son as vivendas de dous dormitorios; mentres que as de tres son Bosque de Silva e Pedregás; e a de catro dormitorios é Porta de Batitales.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
