CERVO.- O BNG de Cervo na nota de prensa publicada hoxe “lémbralle ao alcalde de Cervo que a única maneira de conseguir o centro de día para os maiores pasa pola sinatura do Consorcio de Igualdade e Benestar coa Vicepresidencia da Xunta”. Polo tanto será preciso previamente un acordo plenario para integrarse no consorcio de igualdade.
NOTA DE PRENSA.
O BNG LEMBRALLE A VILLARES QUE A ÚNICA VÍA PARA CONQUERIR O CENTRO DE DÍA PASA POLA SINATURA DO CONSORCIO DE IGUALDADE E BENESTAR COA VICEPRESIDENCIA DA XUNTA.
Servizos tan importantes como un Centro de Día, unha Galescola ou o xantar a domicilio para as persoas maiores dependen da sinatura do Consorcio de igualdade e Benestar.
O BNG volve a insistir na necesidade de que o concello de Cervo se integre no Consorcio de Igualdade para garantir a posta en marcha de servizos sociais esenciais para a poboación que nestes momentos están paralizados, e sen perspectivas de crearse pola negativa do PP a integrarse no Consorcio ofertado por Vicepresidencia.
Mentres a actitude torpe e partidista do PP de Cervo segue a negar a sinatura coa Vicepresidencia da Xunta do Consorcio de Igualdade, os nenos e nenas que acoden ao Punto de Atención Infantil receben un servizo que non se corresponde coas tarifas que se aplican dende o concello, as persoas maiores con dificultades físicas vense privadas do xantar a domicilio e sen perspectivas de creación dun Centro de Día que atenda as súas necesidades coa calidade e profesionalidade que requiren a pesar de que a Vicepresidencia non puxo ningún impedimento a estas infraestructuras cando o concello acepte a súa integración no Sistema Galego de Benestar.
O Alcalde de Cervo continúa maniatado pola estratexia partidista do PP que obriga aos seus alcaldes a non integrarse no Consorcio cun discurso que xa rexeitaron múltiples alcaldes populares que prefiren ofertar servizos aos seus veciños que continuar por un camiño que só beneficia ás cúpulas dirixentes do Partido Popular, polo que dende o BNG lle esiximos ao Alcalde menos partidismo e mais compromiso cos veciños.
O BNG nega a existencia de negociacións coa Vicepresidencia para a posta en marcha dun Centro de Día.
E falso que o Alcalde, Alfonso Villares, negocie coa Vicepresidencia da Xunta a posta en marcha dun Centro de Día; nin existen na actualidade nin se prevén mentres o equipo de goberno non cambie a súa actitude partidista. O Alcalde o único que pretende é gañar tempo enganando aos veciños cunhas negociacións inexistentes que en calquera caso deberán ser posteriores ao acordo plenario de integración no Consorcio que aínda non se produciu a pesar dos reiterados intentos do BNG para que se faga.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
