Mondoñedo (Lugo), 21 de xuño de 2017.- Preto de 30 emprendedores iniciarán mañá, no espazo cedido polo concello de Mondoñedo, as actividades de formación e asesoramento que lles permitirán o desenvolvemento e aceleración de 22 novos proxectos empresariais na comarca.
A segunda edición da aceleradora de proxectos emprendedores desenvolverase durante os próximos cinco meses, no marco dunha iniciativa de colaboración impulsada conxuntamente pola Xunta de Galicia, a través do Igape, e a Escola de Organización Industrial (EOI). Os 27 emprendedores seleccionados contarán con servizos de apoio adaptados ás súas ideas de negocio para acelerar a posta en marcha das súas empresas.
A finalidade das iniciativas de coworking é facilitar o desenvolvemento de proxectos empresariais e a creación de emprego sobre o territorio, incrementando as probabilidades de éxito e consolidación das iniciativas impulsadas polos emprendedores. Ao amparo deste proxecto, que conta co apoio do Fondo Social Europeo, os emprendedores da comarca de Mondoñedo accederán a diferentes servizos de formación, asesoramento e aceleración de proxectos, así como de instrumentos de apoio para poñelos en marcha habilitados a través do Igape, con programas como o Galicia Emprende, ou Xesgalicia, con fondos de capital risco como Galicia Iniciativas Emprendedoras.
Os 16 proxectos desenvolvidos durante a primeira edición do espazo coworking de Mondoñedo, impulsados por unha vintena de empredendores que participaron na aceleradora, apostaron por actividades empresariais como o turismo sostible, a construción, as TIC, o comercio, o deseño ou a moda.
Ao abeiro desta actuación de aceleración de proxectos empresariais, durante esta semana estanse a activar novamente espazos de emprendemento en Ferrol, Celanova, Monforte, Cabana de Bergantiños e Santiago, ademais de en Mondoñedo. En cada unha destas sedes haberá durante o próximo ano outras dúas edicións sucesivas que se desenvolverán durante 5 meses. No marco desta segunda convocatoria que esta semana comeza, un total de 164 emprendedores impulsarán o desenvolvemento de 125 novos proxectos empresariais ata fin de ano.
Os coworking impulsados pola Consellería de Economía, Emprego e Industria e a EOI reforzan a Rede Galega de Aceleradoras promovida pola Xunta, que está a desenvolver un papel fundamental para transformar iniciativas innovadoras en empresas. De feito, a través da mesma xa se desenvolveron, nos catro últimos anos, 500 proxectos que supuxeron a mobilización de 14 millóns de euros.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
