Xove, a 16 de xuño de 2.017.Este sábado 17 de xuño, a partires das 18:00 horas, vai ter lugar a inauguración do novo campo municipal de herba artificial, que se acaba de construir sobre o vello campo de entreno anexo ao Campo Municipal de Fútbol de Xove. Para esta inauguración contarase, ademáis do alcalde Demetrio Salgueiro, co Presidente da Deputación Darío Campos e co xefe de servizo de Deportes da Delegación Territorial da Xunta en Lugo Manolo Cadramón.
A obra, fíxose en dúas fases. Na primeira abordouse o propio campo e o entorno (campo de xogo, accesos, bancadas, porterías e equipamento en xeral). En total, estamos a falar dunha actuación nun espazo de 6.501 metros cadrados, dos que 5.555 corresponde ao propio campo de fútbol. Esta fase tivo un presuposto total de 514.250 €uros, dos cales Concello aportou 264.250 €uros e a Deputación de Lugo 250.000 €.
Na segunda fase, dotouse ao campo duns baños para o público e unha cantina. O investimento total nestes dous espazos foi de 60.482,47 €uros, financiados integramente polo Concello.
O investimento total realizado nesta nova instalación foi de 574.732,47 €uros, dos cales o Concello aportou 324.732,47 €uros.
Dentro das características técnicas, destacan os materiais empregados na construcción deste novo campo, no que respecta ao céspede artificial, son do máis moderno, de última xeración. Na súa construcción a rede de drenaxe do campo irá conectada mediate bombeo a un depósito de recollida e aproveitamento de augas pluviais, que suporá para o Concello un aforro no consumo de auga, xa que a instalación ven preparada para recoller e reciclalas.
Estas son as últimas actuacións realizadas, coas que se completa definitivamente a modernización do campo. Antes destas, o Concello dotou ao campo dunha nova grada para o público e, ademáis, realizou unha gran ampliación na parte norde do mesmo, coa creación dunha gran escollera que permiteu ampliar o terreo de xogo nun montón de metros.
O campo está preparado para acoller fútbol 11 e fútbol 7, polo cal, tódolos nenos/as do Concello que poderán utilizar esta instalación. Uns100 nenos/as e rapaces/as do Concello están inscritos e xogando ao fútbol actualmente en Xove, dentro da ACD Xove e da U.D. Xove-Lago.
O Programa para inauguración, vai ser o seguinte:
-18:00 horas.- Acto oficial de inauguración a cargo das autoridades presentes.
Rematado este acto, tódolos nenos/as e rapaces/as van poder probar o novo campo, xa que se van realizar partidillos entre eles, incluído un partido entre xogadores dos clubs e país.
Sobre as 20:00 horas remate dos partidillos, xogadores/as e pais subirán para o Campo Municipal (o campo grande), lugar onde se vai facer a presentación da exposición de fotografía “En Xove, fútbol xove”.
A exposición ao completo vaise abrir o martes, 20 de xuño, ás 18:00 horas na Sala de Exposicións do Centro Cívico. Esta exposición, conformada por 44 fotografías adicadas aos nenos/as e rapaces/as da ACD Xove e da U.D.
Para rematar este acto de inauguración, tódolos nenos e rapaces, xuntos cos seus pais ou familiares, van participar nuns pinchos.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
