BURELA .- Hoxe celebrouse unha nova xuntanza do Consorcio do Abastecemento de Auga a Cervo e a Burela, na que por unanimidade, segundo explica o alcalde de Burela, Alfredo Llano, “procedeuse a prorrogar o orzamento e a analizar o pago dun programa informático específico para o consorcio. Tamén abordamos as expropiacións dos terreos da ETAP de Rúa e Senra… o consorcio non ten facultade para pagar indemnizacións deste tipo polo que se recorre a unha liña de crédito da que se responsabiliza a Xunta de Galicia”.
O rexedor engade que as obras de abastecemento “marchan a bo ritmo e tentaremos que os prazos establecidos se cumpran”. Na vindeira xuntanza do Consorcio “visitaremos a sede da instalación en San Román para dotala de mobiliario e comezar a traballar alí en breve”.
Premio Blanco Amor
O alcalde de Burela manterá un encontro o vindeiro luns ás dez e media da mañá co escritor Darío Xoan Cabana para a organización da entrega do premio Eduardo Blanco Amor que Burela acollerá o vindeiro ano.
Pleno
No pleno celebrado onte no Concello, aprobouse por unanimidade unha moción presentada polo PP relativa ao incremento do financiamento das administracións locais por parte do Estado. Llano asegura “que o equipo de goberno presentou unha emenda que foi incluída nesa moción e que finalmente foi aprobada por todos os grupos políticos. Foi rexeitada a moción referida ao ferrocarril e tamén a que pedía a adopción de medidas para afrontar a crise. Neste último caso seremos nós, o goberno municipal, os que realizaremos esas propostas que se aplicarán nos orzamentos do vindeiro ano. Na sesión tamén se rexeitou outra moción presentada a última hora sobre a regulación dos horarios das instalacións deportivas en Burela”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
