SANTIAGO .- Portos de Galicia, ente público adscrito á Consellería do Mar, presenta durante estes días en París a oferta náutico recreativa de Galicia nunha edición mais do Salón Náutico Internacional que se celebra entre o 5 e 14 de decembro na capital francesa.
Portos de Galicia, esta presente cun atractivo stand no que se facilita información acerca das instalacións náutico recreativas coas que conta na actualidade a Comunidade galega. Nel pódese atopar todo tipo de datos acerca das características dos portos e das instalacións e dársenas de Galicia. Así mesmo, conta cun sistema audiovisual nos que se presentan os portos nunha atractiva formula, e puntos de información nos que se facilitan as características das instalacións náutico recreativas de Galicia mediante soporte informático.
O Salón Náutico de París nos seus mais de 40 anos de existencia, posicionase en Europa como un dos mais prestixiosos do seu sector, e un dos mais profesionais salóns adicados á náutica recreativa. Este salón agrupa a profesionais da náutica de mais de 30 sectores claramente identificados sobre una superficie de 120.000 metros cadrados de exposición dividida en tres pavillóns e case un milleiro de expositores pertencentes a uns 30 países. Prevése que a asistencia a este certame supere este ano os 300.000 visitantes.
Un dos obxectivos da presenza de Portos de Galicia neste acontecemento é o de promocionar e dar a coñecer as instalacións náutico recreativas de Galicia, ademais da práctica da navegación deportiva, incentivando unha actividade con indubidables implicacións económicas e potenciando así un sector xerador de emprego e riqueza que consolidará definitivamente o sector náutico recreativo na nosa Comunidade.
A situación estratéxica de Galicia e as súas condicións para a práctica da navegación son únicas, polo tanto, estase a dotar ós portos de puntos de atraque que dean acollida ós milleiros de embarcacións que ao longo do ano utilizan e pasan polas nosas costas. Así mesmo, a mellora das comunicacións de Galicia favorecen a accesibilidade da comunidade galega co resto de España e Europa facilitando a práctica deste tipo de actividades para os non residentes en Galicia. A Consellería do Mar a través de Portos de Galicia, aposta polo tanto fortemente pola creación de novas infraestruturas náutico deportivas.
En definitiva, Portos de Galicia, pretende consolidar unha oferta náutica de calidade nas costas galegas, creando novos postos de traballo, potenciando a interrelación das cidades cos portos que os acollen, mellorando a ordenación dos mesmos e atraendo e contribuíndo ó desenvolvemento económico de Galicia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
