CERVO .- O grupo Ardora Teatro interpretará a obra Estigmas, orixinal de Francisco Piñeiro, na casa da cultura de San Ciprián. Ardora Teatro é un colectivo creado no ano 2007 por mulleres de San Ciprián, que dirixe Mari Paz Rodríguez Silva.
Nota de Prensa
A obra, orixinal de Francisco Piñeiro, mostrará no escenario o camiño da igualdade e do recoñecemento do protagonismo feminino como unha das pedras angulares da evolución social
ARDORA TEATRO INTERPRETARÁ ESTIGMAS NO AUDITORIO DA CASA DA CULTURA
DE SAN CIPRIÁN
• A representación terá lugar o domingo 6 de decembro, Día da Constitución, ás 19.00 horas.
Cervo, 30 de novembro de 2009.- Na xornada festiva do domingo 6 de decembro, hai unha cita destacada co teatro, dentro da programación de Nadal que organiza o Concello de Cervo: O auditorio da Casa da Cultura de San Ciprián acolle, a partir das 19.00 horas, a obra ESTIGMAS a cargo do grupo de teatro afeccionado ARDORA.
Segundo explica a concelleira de Cultura, Chelo Gallego a representación, orixinal do mestre e escritor Francisco Piñeiro, mostrará no escenario unha apaixonante historia na que se subliña como unha das pedras angulares da evolución social o camiño da igualdade de xénero e do recoñecemento do protagonismo feminino. A interpretación correrá a cargo de Adeli Fernández, Clara Rey, Josefa Núñez, Mª José López, Lidia Pernas, Sara Campo, Adela López e Mari Paz Rodríguez Silva.
TEATRO AFECCIONADO FEMININO
Ardora Teatro é un colectivo creado en 2007 por mulleres de San Ciprián que baixo a dirección de Mari Paz Rodríguez Silva colleitou grandes éxitos nas distintas representacións escénicas realizadas ata o momento: A criada xorda e Desde o Porto a San Ciprián. ARDORA deben o seu nome á fosforescencia natural que na noite desprende un grupo de peixes e que permitía aos mariñeiros de San Ciprián poder pescalos. Un brillo colectivo onde, todos os peixes contan pero ningún é imprescindible.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
