BARREIROS (FNC) .- O Concello de Barreiros entregoulle uns agasallos a Modesta Lombardero, unha veciña que chegou desde Cuba gracias ó programa da Xunta Volver á terra. Modesta esgota estes días de vacacións coa súa familia en Barreiros, xa que o 2 de decembro retorna ó país ó que marchou cando era moi nova.
O alcalde, Alfonso Fuente, explicou que “na mañá de onte visitei a Modesta Lombardero, unha señora que chegou desde Cuba aquí a Barreiros gracias ao programa da Xunta Volver á terra. Ela tiña moita ilusión por volver ver á súa familia despois de 24 sen visitar a nosa terra, pero segue coñecendo aquelas casas nas que viviu desde nena e nas que naceron as súas fillas”. O rexedor engadiu que “estivemos alí preto de dúas horas charlando sobre a situación de Cuba, a situación de Galicia e incluso me interesei por si as prestacións sociais lles chegan alí. Eu creo que eso é algo moi importante e de feito a viaxe que imos facer a vindeira semana a Arxentina tamén é para constatar que as axudas que se envían desde a administración chegan ás persoas. Hai que pensar que tanto Cuba como Arxentina son unha parroquia máis do noso concello e debemos visitalas de cando en vez”.
Fuente Parga sinalou que “Modesta falóunos de que está en contacto continuo co Centro Galego e que coñece ás persoas que están alí e tamén nos falaba do elixir que a mantén así, decíanos que todos os días se toma o seu traguiño de ron-cola, e igual nós temos que tomar nota para conservarnos igual de ben. Nós lle entregamos uns detalles do Concello, para que os leve e siga mantendo o contacto con esta súa terra que é Barreiros e Galicia”.
Albergue de Gondán
Por outra banda no pleno celebrado onte en Barreiros e segundo explica o alcalde “tivemos que tomar un acordo que era a cesión do refuxio e da escola de Gondán así como o terreo á Sociedade Anónima de Xestión do Xacobeo, porque estamos agora mesmo rematando un proxecto para mellorar e ampliar e facer alí un albergue en condicións, adaptado aos días de hoxe e intregalo da rede de albergues”. Fuente Parga engadiu que “o acordo adoptóuse por unanimidade, como non podía ser doutro xeito, para poder facer uns investimentos que poderían chegar ata os 300.000 euros. Os traballos realizaránse desde principios do 2010 sen pechar nunca o albergue e tentaremos ter todo listo en xuño de 2010 ou neses meses que é cando chega a época forte do ano santo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
