O Pescados Rubén Burela consegue a súa primeira vitoria a domicilio e encadea dous triunfos consecutivos tras derrotar por 2-7 ao Plásticos Romero Cartaxena. O conxunto burelés encamiñou a conquista dos tres puntos nunha primeira parte brillante na que xogou á perfección as súas bazas para aplacar o entusiasmo local. Iago Míguez se erixiuse no gran protagonista do duelo cun hat-trick, abrindo e pechando o marcador do mellor partido da tempada da escuadra mariñá.
A escuadra galega iniciou o partido con intensidade e concentración logrando minimizar o efecto da Bombonera e o empuxe inicial do Plásticos Romero. Tras un par de escarceos locais a resposta burelista foi contundente, Iago Míguez cun disparo raso ao primeiro pau abriu o marcador no minuto 4. Co 0-1 o Pescados Rubén estableceu a súa defensa en media pista invitando ao Plásticos Romero a un xogo máis ofensivo. A boa presión en media pista dos de Daniel Ibañes xerou numerosos roubos e rápidas transicións dun Pescados Rubén que desarbolou ao conxunto local. Iago Míguez e Iago Rodríguez foron os estiletes laranxas para o 0-2 e 0-3, respectivamente. Os locais acusaron o dobre golpe ante un Pescados Rubén cada vez máis fluído en ataque. No minuto 18 chegou o 0-4 obra de Jorge Bellvert. O Cartaxena logrou recortar distancias cun gol de estratexia culminado por Jesús Izquierdo pero o seu achegamento durou pouco xa que Cuco estableceu o 1-5 co que se chegou ao descanso.
Na segunda parte mantívose a dinámica do primeiro tempo, os galegos manexaban o tempo dun partido moi empinado para os murcianos. O canteirán Hélder sumouse á festa laranxa tras culminar unha gran acción colectiva que supuxo o 1-6, minuto 26, enterrando case por completo a reacción local. O Plásticos Romero optou polo xogo de cinco en busca dunha remontada milagrosa que nin sequera chegou a acariñar. Rahali logrou o 2-6 no minuto 34 pero a continuación Jesús foi expulsado por dobre amonestación deixando aos locais en inferioridade.. No minuto 36 o capitán burelés, Iago Míguez, certificou a vitoria co seu terceiro tanto e establecendo o 2-7 definitivo para o Pescados Rubén.
Ficha técnica
Plásticos Romero Cartagena: Raúl, Asensio, Rahali, Rodrigo, Juanpi –cinco inicial- Jesús Izquierdo, Enrique, Cristian Rubio, Josema, Saura, Diego Blanco.
Pescados Rubén Burela FS: Álex, Jorge Bellvert, Matamoros, Iago Míguez, Antoñito –cinco inicial- Iago Rodríguez, Cuco, Renato, Petry, Hélder.
Goles: 0-1, m.4, Iago Míguez; 0-2, m.9, Iago Rodríguez; 0-3, m.17, Iago Míguez; 0-4, m.18, Jorge Bellvert; 1-4, m.19, Jesús Izquierdo; 1-5, m.20, Cuco; 1-6, m.26, Hélder; 2-6, m.34, Rahali.
Árbitros: Cuesta Sánchez, García Moron. No Plásticos Romero Cartaxena, cartón amarelo a Juanpi e Cristian Rubio; dobre cartón amarelo a Jesús, expulsado no minuto 34. Pescados Rubén Burela, cartón amarelo a Petry.
Incidencias: Partido correspondente á xornada 8 de Primeira División LNFS. Disputado no pavillón Wssell de Guimbarda de Cartaxena.
*Fotografía: Prensa Plásticos Romero Cartagena FS
Trátase de mostra‘Arte con Cariño’, coa que se busca dar a coñecer a arte dos veciños e veciñas do municipio, dándolles un lugar onde expoñer as súas pezas artísticas. A exposición inaugúrase leste mesmo luns, 23 de decembro, ás 19:00 horas no Local Social do Concello. É unha iniciativa da artista local Chary Docal Pérez, alumna de cuarto curso do Grao en Belas Artes da Universidade de Vigo, que conta coa colaboración do Concello.
Despois da misa que se celebrará na Vila do Medio, haberá un breve concerto de panxoliñas na propia igrexa do grupo de música e canto de Ledicia, que será outro xeito de celebrar o 50 aniversario como asociación e servirá de homenaxe ó coro, que foi unha das primeras actividades coas que se iniciaba o traballo hai medio século.
A súa visita fixo as delicias dos nenos e nenas este sábado, 21 de decembro.
Visitantes de toda Galicia e doutras partes de España acudiron á carpa instalada na Praza da Constitución. López agradeceu o labor do Concello e da Alcaldesa, a participación e o bo facer dos produtores e puxo en valor a alta calidade do produto. “Dende a Deputación de Lugo estamos e estaremos sempre do lado do sector primario e por iso, como non podía ser doutra maneira, colaboramos coa proxección desta cita. Estamos ao carón de todas as persoas que traballan para manter vivo e impulsar o rural”, valorou.
E antes de repartir ilusión, o Concello de Cervo encargoulle que fixese unha parada co seu elfo no centro de Saúde Mental Adaoemam A Mariña onde recolleu uns detalliños para cada pequeno/a que fixeron con todo o cariño, como sempre.
A temática elixida para este 2025 son paisaxes do municipio pouco coñecidos. Panorámicas singulares ou recunchos de gran beleza pertencentes ás oito parroquias de Xove, que son pouco coñecidas polo público en xeral, e mesmo, en moitas ocasións, tamén pola propia veciñanza. O almanaque complétase cunha felicitación de nadal do alcalde e da corporación municipal do Concello de Xove, ademais dunha ampla listaxe con teléfonos de servizos de interese para a poboación.
O secretario xeral da Lingua, Valentín García, participou este xoves no cemiterio vello de Mondoñedo na ofrenda floral no panteón de Pascual Veiga, no marco dos actos conmemorativos do Himno galego.
