NOTA DE PRENSA
O GPPP instará a Deputación a que rexeite o traslado do Cepreco a Madrid
Lugo, a 23 de novembro de 2009.- O Grupo provincial do Partido Popular levará ó vindeiro pleno da Deputación unha moción na que propón instar ó Goberno Central a que rectifique na súa decisión de desmantelar e trasladar fóra de Galicia o equipo técnico adscrito ó antigo Centro de Prevención da Contaminación (Cepreco), de tal xeito que manteña este servizo na nosa comunidade, para a coordinación interministerial e o deseño do plan de continxencias ante episodios de contaminación mariña similares ós acontecidos co Prestige.
Explican os populares na súa moción que o executivo central acordou o traslado do Cepreco a Madrid ou a outros destinos administrativos fóra da nosa comunidade polo que, con esa decisión, abórtase o deseño do plan de continxencia para facer fronte a un vertido como o rexistrado a raíz da catastrofe do Prestige.
A tarefa de elaboración e deseño deste plan de acción contra vertidos mariños deu inicio a principios do 2005 a instancias do Ministerio de Presidencia –con funcións de coordinación e intermediación ministerial- e aínda segue en fase de elaboración.
O desmantelamento por parte do Goberno de Zapatero do equipo de expertos sobre contaminación mariña asentado na torre de control marítimo de A Coruña, demostra que o único interese dos socialistas en relación co desastre do Prestige foi, ó entender dos populares, puramente político.
Este feito pon de manifesto asemade, segudo sinala o PP na súa moción, que aquel desastre foi utilizado políticamente por PSOE e BNG para facer dano ós gobernos do PP pero que, unha vez conseguido o seu obxectivo de gobernar, o Executivo de Zapatero esquece a catástrofe e, lonxe de facer avances para evitar que se repita, opta por suprimir unha estrutura que se evidenciou como moi necesaria a raíz do accidente do petroleiro.
Malia que naquel intre dende o PSOE e o BNG criticaron con forza a xestión da administración central e galega e insistiron na necesidade de artellar medidas para evitar desastres como o do Prestige, agora finiquitan todas as medidas impulsadas polo Partido Popular en Galicia e en Madrid, tanto para prever e evitar accidentes dese tipo como para paliar os danos sociais e económicos causados polos vertidos do Prestige e recollidas no Plan Galicia.
O desmantelamento deste equipo de expertos demostra que para o actual executivo esta cuestión carece xa de interese, unha vez que xa non lles produce réditos políticos. Parece máis que evidente, na opinión dos populres, que os socialistas xogaron coa boa vontade de tanta xente que colaborou nas tarefas de recuperación da costa tras o Prestige e que reclamou medidas e estratexias para impedir que algo así se repita.
Suliñan ademais que o traslado deste equipo de expertos implica o desmantelamento en Galicia dun órgano que tiña a súa mirada posta no corredor marítimo de Fisterra, polo que pasan uns 40.000 buques ó ano, dos que 12.000 transportan mercadorías perigosas. Esta realidade debera implicar a reconsideración por parte do Goberno de España da súa decisión coa que, unha vez máis, Galicia perde un servizo de máxima importancia e carácter estratéxico.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
