O alcalde de Barreiros, Alfonso Fuente, voceiros dos outros grupos políticos e asociación de promotores inmobiliarios mantiveron unha xuntanza na que analizaron cuestións coma o abastecemento de auga, o subministro eléctrico e o plan xeral.
Según afirmou o alcalde de Barreiros “tentamos ir acercando posturas, falouse da situación pola que está a atravesar a construción na Mariña e en Barreiros e dos problemas que estan a ter as empresas coas ventas e algunhas coa falta de liquidez” . Parga matizou que a xuntanza “foi un acercamento entre a parte empresarial e a parte política ademais de ser un encontro informal para falar do Plan Xeral”
Nota de prensa
CONCELLO E PROMOTORES INMOBILIARIOS ACORDAN COMA DATA LÍMITE O MES DE OUTUBRO PARA SUFRAGAR OS 3,6 MILLÓNS DE EUROS QUE COSTA A NOVA TRAÍDA DA AUGA. NO ENCONTRO DE HOXE TAMÉN FALARON DO SUMINISTRO ELÉCTRICO E DO PXOM.
Barreiros, 11 de xuño de 2008. O alcalde de Barreiros, Alfonso Fuente, os voceiros dos outros grupos políticos que teñen representación no Concello e a asociación de promotores inmobiliarios analizaron durante varias horas cuestións coma o abastecemento de auga, o suministro eléctrico e o PXOM. Segundo o rexedor <na xuntanza tentamos ir acercando posturas. Falóuse da situación pola que está a atravesar a construcción na Mariña e en Barreiros e dos problemas que están a ter as empresas coas ventas e algunhas coa falta de liquidez. Eu diría que foi un acercamento entre a parte empresarial e a parte política ademáis de ser un encontro informal para falar do Plan Xeral>. Alfonso Fuente engade <coincidimos en que Barreiros ten moitas posibilidades, xa que conta moitas zonas verdes nos seus 72 kilómetros cadrados e cremos que as forzas políticas estamos aí para defender os intereses dos nosos veciños. Podemos chegar a consensos para que todos saiamos beneficiados>. O alcalde considera que <Barreiros é un Concello prácticamente virxe. Todas as licencias que se concederon supoñen unha parte moi pequena de todo o potencial que pode ter por moitos anos o noso municipio. Creo que se pode facer un Plan Xeral bó, e hoxe o que fixemos foi poñer a primeira pedra. Todos estamos na mesma liña, todos somos veciños de Barreiros e queremos o mellor para o noso municipio>.
Políticos e constructores non quedaron de momento para manter un novo encontro, segundo conta Alfonso Fuente, <era un pouco concienciarnos todos de que tanto no PXOM coma en todas estas construcción todas as forzas políticas temos que estar unidas. Aquí o Concello o que fixo non foi máis que dar unhas licencias que estaban regladas por unhas normas subsidiarias do ano 2004 e creo que deben ser as forzas políticas as que vaian nesa liña. Despois das típicas discusións políticas que poida haber hai que ter a cabeza fría e a realidade está aí e hai que sacala adiante. O que non podemos é paralizar un Concello por unha discusión entre dúas administracións. Eu creo que puido haber defectos por parte da Xunta de Galicia e defectos por parte do Concello, pero creo que chegou o momento de que todos traballemos xuntos. Despois aí estará o traballo ben feito, e feito por todos para amosarlles aos veciños de Barreiros. Nós estamos na liña de escoitar e a oposición está na de colaborar e así debe ser>.
Abastecemento de auga
No encontro de hoxe, promotores e Concello falaron do convenio para o novo abastecemento de auga de Barreiros que suporá un custe de 3,6 millóns de euros. Ata o de agora dos 26 firmantes do convenio só 5 abonaron as cantidades previstas na súa totalidade e hai outros que pagaron a cantidade inicial demandada. O alcalde, Alfonso Fuente, asegura que <o sector da promoción ten claro que hai que garantizar os servizos e o seu interés é abonar esas cantidades que teñen avaladas o antes posible. Incluso ata poñían unha data: a de outubro de 2008 coma límite para realizar ese desembolso económico e poder iniciar os traballos do abastecemento de auga>. Ámbalas dúas partes abordaron tamén o suministro eléctrico <hoxe limos na prensa que con esa subestación eléctrica que se vai construir en Ribadeo se solverán os problemas de Barreiros. Vemos esta nova coma satisfactoria, e agardamos que favoreza a toda a poboación do noso municipio>
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
