CERVO .- O bus da campaña Moitollo 2009, promovida pola dirección xeral de Relacións Laborais da Xunta de Galicia e que pretende iniciar dun xeito lúdico aos escolares no eido da prevención de riscos e seguridade no traballo, estivo no colexio de Educación Infantil e Primaria número un de Cervo.
Nota de Prensa
O COLEXIO DE CERVO Nº1 ACOLLE HOXE A CAMPAÑA ‘MOITOLLO’ PARA INTRODUCIR AOS ESCOLARES NA CULTURA DA PREVENCIÓN DE RISCOS
* A delegada territorial da Xunta, Raquel Arias, que compartiu as actividades divulgativas cun grupo de 127 nenos e nenas, destacou “a importancia da aprendizaxe temprana” nesta materia
Lugo, 20 de novembro de 2009.- O bus da campaña Moitollo 2009, promovida pola Dirección Xeral de Relacións Laborais da Xunta de Galicia e que pretende iniciar dun xeito lúdico aos escolares no eido da prevención de riscos e seguridade no traballo, fixo hoxe parada no Colexio de Educación Infantil e Primaria (CEIP) número 1 de Cervo.
En total, 127 alumnos e alumnas puideron disfrutar das actividades divulgativas que conforman a campaña, especialmente dunha proxección en tres dimensións que narra as peripecias dunha personaxe que se ve envolta en diversas situacións de risco, aínda que neste caso o resultado é ao tempo divertido e didáctico.
O vídeo, que deben ver con gafas polarizadas, é o elemento do programa máis valorado polos cativos, seguido en segundo lugar polos agasallos que se distribúen durante o desenvolvemento das actividades, coa mascota de Moitollo como imaxe de referencia, e que serven de recordatorio e reforzo da mensaxe da campaña.
A delegada territorial da Xunta, Raquel Arias, quixo achegarse ao centro e compartir estas actividades cos nenos e nenas para subliñar “a importancia da aprendizaxe temprana para inculcar nos profesionais do futuro a cultura da prevención”.
Neste senso, Arias sinalou que esta cultura da prevención “vai máis alá do estrito cumprimento das normas sobre seguridade e saúde laboral. Supón asumir a necesidade de adoptar medidas de protección ante os riscos laborais, e que esta conciencia impregne por defecto o planeamento e desenvolvemento de calquera actividade laboral”.
A campaña Moitollo vai dirixida ao público infantil, e está deseñada sobre a premisa de que os nenos son receptivos a esta información cando se lles comunica nunha linguaxe sinxela, a través de xogos e aproveitando a imaxinación e outros recursos que lles son propios. Ata o momento, a campaña achegouse aos colexios de Palas de Rei, Cospeito, Lourenzá e Barreiros, ademáis da visita realizada a Cervo durante a xornada de hoxe. A semana que ven estará nos colexios de O Saviñao (luns) e Sober (martes).
Na mesma liña, Raquel Arias apuntou a necesidade de introducir esta materia dende as primeiras etapas do ensino. “A seguridade laboral debe estar presente na escola, do mesmo xeito que o está cada vez con máis forza a seguridade viaria. Non podemos pospoñer a educación neste eido ata que os mozos empezan a traballar, unindo entón a falta de experiencia coa falta de conciencia sobre os perigos que enfrontan”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
