Lugo, 26 de xullo de 2016.- O Grupo Provincial O Grupo Provincial do PP apoiou unha proposta do BNG para instar ao Ministerio de Fomento a restablecer o servizo de transporte de mercadorías de FEVE de Ferrol a Irún. O deputado Demetrio Salgueiro indicou que o seu Grupo “non pode estar en contra da perda de servizos pola importancia industrial de Alcoa, da madeira e do transporte por ferrocarril”.
Explicou que se fixeron traballos desde o primeiro día para solucionar este problema. “Retomouse o servizo tres días á semana e solucionouse parcialmente pero non é suficiente e hai que retomar os cinco días tal e como estaba e consideramos que é importante que se retome”, engadiu. O popular confiou en que esta situación responda a unha decisión puntual. “Imos estar vixiantes e faremos as xestións posibles para que se rehabilite o servizo o antes posible”. Salgueiro aproveitou a súa intervención para recordar que cando gobernou o PSOE “nin mellorou o servizo nin as infraestruturas ferroviarias”
O Santo Anxo seguirá sendo público
O PP votou en contra dunha moción do PSOE e BNG sobre o centro Santo Anxo ao considerar que a maior parte dos temas que presentan foron xa tratados polo conselleiro nun pleno do Parlamento. O deputado Ramiro Moure matizou que “se están resolvendo todos os problemas cun plan medioambiental para o centro”. Ademais sinalou que o número de profesionais aumentou de 34 a 37, polo que está no ratio establecido na normativa vixente, o que permite que haxa unha persoa ademais dos vixiantes de seguridade na quenda de noite”.
Moure precisou tamén “que actualmente hai 32 prazas autorizadas e son 25 os menores que están a día de hoxe no centro, polo que se cumpre sobradamente o ratio de profesionais ao cargo da xente interna”. Ademais, engadiu que “o centro é, e seguirá sendo, de titularidade pública”. O popular recordou que “a Xunta de Galicia na contestación que lle fixo ao portavoz socialista no Parlamento explicou que estaba arranxado todo o referido á contratación dos gardas de seguridade, así como todo o referente aos problemas xurdidos coa nova normativa no Santo Anxo”. Moure concluíu engadindo que “a Xunta de Galicia é a que ten a competencia neste centro e consideramos que xa fixo todo o que ten que facer neste tema e está desenvolvendo -segundo a nova normativa- todo o necesario para o correcto funcionamento deste colexio”.
Consorcio Galego de Igualdade
O PP non apoiou a moción presentada polo BNG para instar á Xunta sobre o Consorcio Galego de Igualdade e Benestar ao entender que “xa existe un acordo marco que se formalizou o pasado mes de maio entre a Consellería de Política Social e a FEGAMP” que foi resultado das negociacións e consensuada pola unanimidade dos representantes dos concellos de Galicia. A deputada Meri Teijeiro salientou que este acordo, “firmado por alcaldes de todas as cores políticas”, vén a garantir “a viabilidade presente e futura dos servizos sociais que se prestan no ámbito local”.
A popular sinalou que “estamos a favor da continuidade deses servizos de calidade, e da continuidade do Consorcio e de que o seu persoal laboral dispoña dun convenio colectivo polo que rexer as súas condicións laborais e nesto se está a traballar e negociando cos distintos representantes sindicais”. Teijeiro engadiu que “dende a Deputación non podemos dicirlle ao Consorcio como negociar as condicións laborais e non é certo que non existiran avances neste sentido pois si que se está traballando neste senso”.
Garantir a viabilidade das pensións
O PP apoiou unha iniciativa dirixida ao Goberno Central para negociar e acordar medidas que garantan a viabilidade do sistema de pensións públicas ao considerar que é necesario e lóxico en que se siga a negociar neste ámbito e se faga do xeito máis inmediato posible. O deputado José Antonio García sinalou “que o primeiro paso sería permitir que exista un goberno en España e iniciar esa senda da negociación do acordo e que estes temas de Estado se manteñan dentro do cauce do consenso e do diálogo entre partidos”. García lembrou que “foi o PP o que creou a hucha das pensións para poder recorrer a el cando a situación puntual da economía así o precisase”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
