LUGO .- O organismo provincial acordou conceder unha axuda de 22.416 euros á Asociación Civil de Beneficiencia Hogar Español de Montevideo (Uruguai) para prestar apoio ás actividades desta entidade e a favor de emigrantes de orixe galega, lucenses e anciáns maiores de 65 anos afincados neste país. A Xunta de Goberno tamén deu o visto e prace a 17 contas xustificativas do Plan de Comunidades Veciñais, das que unha pertence ó ano 2006, dúas a 2007 e o resto a 2008. Suman un total de 167.270 euros, dos que a Deputación aporta 101.902. Pertencen ós Concellos de Foz (2), O Saviñao (5), Antas de Ulla, Cervo, A Fonsagrada (2), Meira, Outeiro de Rei, Palas de Rei, A Pastoriza, Sarria e ó Valadouro.
NOTA DE PRENSA
A Deputación investirá 1,5 millóns de euros na mellora
de estradas provinciais de Monforte, Becerreá e Baralla
– O organismo provincial executará con fondos propios o acondicionamento de 13,8 quilómetros, “o que representa un claro exemplo do esforzo que realizamos por mellorar a rede viaria, a diferenza do que se facía anteriormente”
– A Xunta de Goberno aproba o sistema de mellora da comercialización e calidade dos produtos autóctonos das Reservas e do Courel por valor de 120.300 euros
– A Deputación subvenciona con 22.500 euros as actividades da Asociación “Hogar Español” de Montevideo formada por emigrantes lucenses maiores de 65 anos e con dificultades económicas
A Deputación realizará obras de mellora en estradas provinciais de Monforte de Lemos, Becerreá e Baralla por valor de 1,5 millóns de euros. A Xunta de Goberno aprobou este venres a adxudicación provisional do acondicionamento da CP 3208 de Seoane por Cinsa a Pol, dende o punto quilométrico 0,000 ó 4,320, no Concello de Monforte; da CP 0701 de Cereixal ó Cádavo, dende o punto quilométrico 0,000 ó 8,470, en Becerreá; e da CP 0501 da LU 710 polo Casino á de Cereixal ó Cádavo, entre o punto quilométrico 0,000 ó 1,010, no termo municipal de Baralla.
O Deputado provincial socialista, Antonio Gato Soengas, explicou que en total acondicionaranse 13,8 quilómetros. “Os traballos inclúen afirmado, drenaxe da plataforma e aplicación de aglomerado en quente, co que estamos garantindo a durabilidade da obra, de tal xeito que nos vamos a ter que realizar melloras nestes viais en moitos anos”.
Asimesmo, subliñou que o organismo provincial execturá as obras con fondos propios. “A Deputación paga o 100% das obras, o que representa un claro exemplo do grande esforzo inversor que estamos a facer para mellorar a rede viaria provincial. Son tramos amplios, algún de máis de 8 quilómetros, a diferenza do que facía anteriormente. Coa anterior equipo de goberno mellorábanse treitos de 300 ou 500 metros, pero non eran actuacións integrais como o que se pretende agora”.
Comercialización produtos autóctonos
A Xunta de Goberno tamén aprobou os pregos de dúas novas liñas de actuación incluídas no programa europeo Lug02 e destinadas a mellorar a comercialización e calidade dos produtos autóctonos das Reservas da Biosfera e da comarca do Courel, a través da I+D+I. Estas iniciativas contan cun investimento de 120.320 euros.
Gato Soengas lembrou que se creará unha canle de comercialización a través dun portal web no que se poderán mercar produtos das Reservas e do Courel a través da páxina web Lug02. Asimesmo, mellorararase a calidade dalgún produto alimentario. Esta mellora vai dende a hixiene, o empaquetamento, sistema de envasado, conservación, elaboración e propiedades na cadea de produción.
Convenio con emigrantes lucenses
O organismo provincial acordou conceder unha axuda de 22.416 euros á Asociación Civil de Beneficiencia Hogar Español de Montevideo (Uruguai) para prestar apoio ás actividades desta entidade e a favor de emigrantes de orixe galega, lucenses e anciáns maiores de 65 anos afincados neste país. Antonio Gato destacou que “se trata dun colectivo con carencias económicas. Esta colaboración foi un dos compromisos do Presidente, que xurde da viaxe que realizou o ano pasado a Sudamérica”.
Dos 200 usuarios, o 70% son galegos e a maioría supera os 80 anos. O Hogar Español é a única posibilidade que teñen os españois con poucos recursos económicos en Uruguai. Por este motivo, naquela viaxe Gómez Besteiro comprometérase a cofinanciar os gastos vinculados ós usuarios lucenses.
A Xunta de Goberno tamén deu o visto e prace a 17 contas xustificativas do Plan de Comunidades Veciñais, das que unha pertence ó ano 2006, dúas a 2007 e o resto a 2008. Suman un total de 167.270 euros, dos que a Deputación aporta 101.902. Pertencen ós Concellos de Foz (2), O Saviñao (5), Antas de Ulla, Cervo, A Fonsagrada (2), Meira, Outeiro de Rei, Palas de Rei, A Pastoriza, Sarria e ó Valadouro.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
