20 de abril de 2016.- Como todos sabemos, o día 21 de Marzo, deu comezo a primavera, pero este ano celebrámolo un mes máis tarde, debido ó mal tempo. Así que este xoves a Asociación de Axuda ao Enfermo Mental A Mariña fai unha festa para dar a benvida a tal estación, onde a música, o baile e a unión serán os ingredientes fundamentais.
Así, este xoves, na Unidade Residencial de Cervo, arredor de 46 persoas darán a benvida á primavera, cunha festa onde tentarán retroceder ós anos sesenta, querendo plasmar a importancia do medio ambiente que recollía o movemento hippy.
Así, dende as 11 da mañá ata as 15:00 horas, aproximadamente, disfrutarán da súa festa Flower Power, ó son do baile e caracterización daquela época, facendo un alto para disfrutar todos xuntos dunha comida.
Haberá ademais diferentes actos anexados ao baile e á comida todos xuntos, como é a visita dos componentes do Grupo de Teatro A Adala, ou a entrega dos diplomas da Consellería de Política Social ós alumnos do curso de “Deseño e elaboración de mobles artesáns”, por parte da Directora Técnica Xeral da Asociación, Dna. María José Nóvoa, quen recoñecerá aos mesmos o seu esforzo e adicación no día a día.
A Asociación recorda tamén que o próximo sábado terá lugar a cea baile benéfica no Hotel “O Val do Naseiro”, na cal aínda pode participar calquera persoa sensibilizada co colectivo, xa que as entradas aínda están á venda. Nestes intres os usuarios da Unidade Residencial están unindo os seus esforzos para rematar algúns dos agasallos que se van sortear na mesma. E tamén rematando uns lápices deseñados para a ocasión que se poderán adquirir como recordo da cea, por un prezo de 3 euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
