Ribadeo, 15 de marzo de 2016.- A Asociación de Profesores de Automoción de Galicia (APAGA) ven de editar medio millar de folletos informativos coas actividades que levan a cabo durante este 2016. Vanse distribuír entre socios e profesores, segundo deu a coñecer na mañá deste martes o presidente do colectivo.
Álvaro Doural subliñou que “é unha recompilación das sete accións que se van realizar neste 2016. Estas actividades comezan co APAGA Formación, que está a desenvolver cursos de formación para socios desde marzo ata o 23 de xuño, o V Fórum de Innovación e Formación sobre Vehículos, que terá lugar os días 31 de agosto, 1 e 2 de setembro, e as IV Xornadas de Internacionalización de Institucións que se fan todos os anos para informar das accións europeas que facemos”.
O presidente de APAGA seguiu a explicar que “outro dos proxectos é APAGA Emprego, que é un servizo de busca de técnicas para empresas, segundo o perfil que elas buscan. O terceiro proxecto é APAGA 5S, un tema que estamos empezando con distintas institucións na metodoloxía de organización xaponesa”.
Doural salientou que “un dos apartados máis importantes que estamos a desenvolver nos últimos anos é APAGA Internacionalización. Por unha parte no folleto, que hoxe presentamos, recóllense os proxectos xa realizados e que están avaliados, e os proxectos que nestes momentos se están a realizar. En 2016 faremos saídas formativas a 14 países da Unión Europea. Neste apartado tamén estamos a realizar unha guía turística dos concellos que abarca desde A Pastoriza ata O Vicedo, de toda A Mariña, un material para levar ás nosas visitas por Europa, aos centros de ensino, concellos, cámaras de comercio, etc…”.
O responsable da Asociación de Profesores de Automoción de Galicia indicou que “temos un tema novo que é APAGA Ti Podes, que é unha unidade que se crea nova contra o fracaso e o abandono escolar na Formación Profesional. Tentamos botar unha man para aqueles que quedan fora do sistema sen formación”.
Álvaro Doural concluíu que “temos o APAGA TIC que é a publicación de libros electrónicos, un proxecto no que estamos a traballar, e o APAGA Vehículos Clásicos coa mostra e algún proxecto de importancia para A Mariña, do que esperamos en pouco tempo ofrecer información”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
