Barreiros, 3 de decembro de 2015.- O BNG de Barreiros acusa a Alfonso Fuente de escapar de dar explicacións diante das veciñas e veciños “convocando un pleno, porque ten a obriga legal de facelo, pero a unha hora intempestiva, co que tenta evitar que a xente poida acudir como público para poder escoitar os debates e explicacións que se dean alí”.
A portavoz municipal do BNG, Ana Ermida, explica que “a normativa obriga a convocar o pleno, xa que foi solicitado polo número de concelleiras e concelleiros requirido legalmente, pero a hora á que se faga depende exclusivamente da alcaldía que é quen ten a facultade de convocalo”.
“É evidente que Fuente Parga xoga coas súas prerrogativas como Alcalde para intentar minimizar o impacto que pode ter este pleno e evitar que a xente coñeza o que pasa. Non podía evitar que houbese pleno, así que decide facelo un día laboral, ás 9 da mañá coa intención evidente de dificultar que poida ir xente como público.”, explican desde o BNG.
“Convocar un pleno da relevancia deste ás 9 da mañá, é unha falta de respecto cara ás veciñas e veciños”
“Xa nos ten demostrado outras veces que a democracia non é o seu forte (non querendo debater no pleno, non contestando preguntas ou non acudindo a debates), pero con esta decisión demostra, ademais, unha absoluta falta de respecto cara a veciñanza; que ten o dereito a poder asistir aos plenos e ver os debates e explicacións que se dan neles”, afirman desde o BNG. “Éncheselle a boca falando de respecto ás veciñas e veciños, pero cando toca pasar á práctica, vese claramente que ese respecto brilla pola súa ausencia”, sentencian.
Desde o grupo nacionalista animan ás veciñas e veciños de Barreiros que poidan, “sendo conscientes da dificultade que existe con ese horario”, a que acudan ao pleno para ver e escoitar de primeira man o que ten que decir cada quen e poder sacar as súas propias conclusións.”
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
