Lugo, 1 de decembro de 2015.- Representantes do Estado, a Xunta, a Deputación e media ducia de concellos da provincia de Lugo, participaron este martes pola mañá, na sede da Subdelegación do Goberno, na reunión do comité provincial de seguridade vial, coa finalidade de coordinar os medios e as actuacións que garantan a seguridade nas estradas da provincia en casos de nevadas ou ante outras situacións de climatoloxía extrema nesta época invernal.
A Subdelegación do Goberno convocou a xuntanza atendendo á necesidade dunha boa coordinación e dunha comunicación fluída entre as distintas administracións con competencias en materia de tráfico na provincia, non só para a prevención e o mantemento das axeitadas condicións de vialidade, senón tamén para xerar as cadeas operativas que aseguren a correcta información tanto aos propios organismos involucrados como aos usuarios das vías no tocante, por exemplo, ao estado das estradas ou á necesidade de proceder ao seu corte para favorecer a seguridade.
Os asistentes
Á xuntanza desta mañá asistiron o secretario xeral da Subdelegación do Goberno, Constantino Rodríguez; o xefe de Protección Civil e Emerxencias da Subdelegación, Juan Yáñez; o xefe provincial da Demarcación de Estradas do Estado, Héctor Presas; o xefe territorial de Infraestruturas e Vivenda da Xunta, Carlos Vila; o deputado provincial e alcalde da Fonsagrada, Argelio Fernández; o rexedor de As Nogais, Jesús Manuel Núñez; o de Pedrafita, José Luis Raposo; o de Cervantes, Benigno Gómez; de Abadín, José María López Rancaño; e a alcaldesa de Mondoñedo, Elena Candia; ademais da xefa provincial de Tráfico, Paula Yubero; o comandante da Garda Civil, Carlos Freire; o capitán do Subsector de Tráfico, Miguel Martínez, entre outros.
Medios estatais dispoñibles
O Estado destina nesta campaña invernal un total de 40 máquinas quitaneves para facilitar a vialidade nos 794,42 quilómetros de estradas da rede estatal na provincia de Lugo. Cóntase ademais con 9.300 toneladas de sal e 2.515.000 litros de salmoira, unhas cantidades que poden ser aumentadas ao longo da campaña en función das necesidades que vaian xurdindo.
Con estes medios, que se presentaron o pasado mes de novembro nun acto celebrado en Pedrafita do Cebreiro, preténdese manter un axeitado nivel de servizo da rede de estradas estatais durante o período comprendido entre o 1 de novembro deste ano e o 30 de abril de 2016, para garantir a seguridade dos usuarios e que a circulación sexa o máis cómoda e fluída posible en situacións de climatoloxía adversa.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
