CERVO .- Con respecto as evidentes diferenzas existentes entre PP e BNG sobre os restos arqueolóxicos de A Atalaia, o PP de Cervo “empraza ó BNG e ás súas organizacións afíns deixar de falar do pasado e pensar en clave de futuro” a vez que pide que os nacionalistas apoien “unha iniciativa do PP” para que Cultura compre os terreos nos que se asenta o xacemento arqueolóxico da Atalaia.
Nota de Prensa
Os nacionalistas e as súas organizacións afíns realizan continuos ataques ao Goberno municipal para que non se fale de que Patrimonio aínda non ten decidido que fará co xacemento arqueolóxico de San Ciprián
O BNG PRETENDE AGOCHAR O DESINTERESE DE CULTURA POLO CASTRO DA ATALAIA
* Os populares emprazan ao BNG a sumarse a unha iniciativa do PP a través da que reclamarán na vindeira sesión plenaria, que Cultura adquira os terreos nos que se asenta o xacemento arqueolóxico da Atalaia.
* O PP de Cervo lembra que a Consellería de Cultura está a permitir a edificación sobre 65 metros de valiosos restos arqueolóxicos, e autorizou a instalación dunha grúa pola que se levará a cabo a obra.
* O recurso interposto polo Goberno municipal contra a inclusión no inventario de Patrimonio ten por obxecto obrigar a Cultura a que delimite con maior precisión a zona sobre a que se asenta o castro, evitando futuros prexuízos, aos veciños da Atalaia. “Chegaron ao absurdo de inventariar a praia”
Cervo, 18 de setembro de 2008.- O Partido Popular de Cervo entende que os nacionalistas cos seus ataques constantes ao Goberno municipal “tan só pretenden agochar unha realidade moi evidente, isto é, que o departamento autonómico que eles teñen a responsabilidade de xestionar, a Consellería de Cultura, non está a facer nada para protexer e poñer en valor os restos arqueolóxicos aparecidos na zona da Atalaia de San Ciprián”. A este respecto os populares recordan que esta mesma semana no Parlamento de Galicia, o director xeral de Patrimonio, Felipe Árias, non tivo máis remedio que recoñecer que aínda non tiñan decidido o que farán co Castro da Atalaia.
CULTURA AUTORIZA OBRAS SOBRE O CASTRO
Ata tal extremo chega o desinterese da Consellería de Cultura “que despois de inventariado o xacemento arqueolóxico, teñen liberado unha das parcelas, e están a permitir que se constrúa sobre 65 metros cadrados de terreo nos que se atopan restos do antigo castro. É máis, Cultura ten incluso autorizado a instalación dunha grúa para levar a cabo a construción do edificio”
DELIMITAR A EXTENSIÓN DO XACEMENTO
Por outra banda o PP cervense quixo clarexar que o recurso interposto polo Goberno municipal contra a inclusión no inventario de Patrimonio do xacemento da Atalaia ten por obxecto obrigar a Cultura a que delimite con maior precisión a zona sobre a que se asenta o castro. A día de hoxe a zona afectada ocupa a totalidade da illa de San Ciprián, Porto de Arriba e incluso chega ata a praia do Torno, “polo que os veciños desta área tan extensa vénse na obriga de pedir permiso á Xunta cada vez que teñan pensado realizar unha obra nas súas casas, de feito especial se afecta ao subsolo”
“Comprenderán que reclamemos ante unha decisión da Xunta de Galicia que chega ata o absurdo de incluír no inventario de xacementos arqueolóxicos a praia do Torno, cando esta é unha zona na que non está permitido edificar e na que non existe nin o máis mínimo indicio da existencia de restos arqueolóxicos”
PLENO MUNICIPAL: RECUPERACIÓN DOS TERREOS
Os populares explican que na vindeira sesión plenaria todos os grupos políticos terán a oportunidade de posicionarse en favor da posta en valor destes restos arqueolóxicos xa que, se someterá a votación unha iniciativa pola que se lle insta á Consellería de Cultura a adquirir os terreos sobre os que se atopa o posible asentamento galáico-romano. “Observaremos pola tanto quen está a favor e quen en contra de preservar esta pegada da nosa historia”
¿CAL VAI A SER O COMPROMISO DE CULTURA PARA PROTEXER O CASTRO?
Finalmente, os populares cervenses emprazan ao BNG e ás súas organizacións afíns deixar de falar do pasado e pensar en clave de futuro, isto é, anímalles a “explicar cal vai a ser o compromiso da área nacionalista da Xunta para protexer esta zona”.
O PP indica que, ainda que os nacionalistas non queiran falar disto, alí continúa existindo un enorme castro que esixe unha actuación de protección por parte do Goberno galego. É máis, os populares cervenses animan aos veciños desta localidade a que acudan ata as parcelas obxecto de escavación, “para observar in situ o que nós dicimos, e a magnitude dos restos achados, que pretenden ser esquecidos por Cultura”
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
