Lugo, 26 de setembro de 2015.- A vicepresidenta da Deputación, Mari Teijeiro, asistiu este sábado ao primeiro encontro de mulleres con discapacidade na provincia, centrado nas temáticas de saúde e alimentación, e que se celebra na localidade de Xove.
A vicepresidenta da Deputación considera este encontro como “unha oportunidade para debater e reflexionar sobre a realidade das mulleres con discapacidade, e das mulleres no rural, factores que reforzan situacións con maiores niveis de discriminación”.
Teijeiro amosouse convencida do valor real desta iniciativa, “que transcende moito máis alá de calquera análise”, e agradeceu a labor de ACADAR, a Asociación de Mulleres Galegas con Discapacidade, que traballa pola igualdade así como a inclusión e o empoderamento, neste caso de mulleres q están nunca situación de maior vulnerabilidade.
Para a responsable de Benestar do ente provincial “as administracións temos un papel fundamental, traballar para derribar barreiras e lograr que a igualdade de oportunidades sexa real e efectiva, pero necesitamos do tecido asociativo e das redes de mulleres”. Nese senso, Teijeiro desexou que “este fose o primeiro de moitos encontros nos que poder compartir éxitos e avances no traballo da integración social”.
A administración provincial colabora no financiamento deste acto, organizado pola Asociación de Mulleres con Discapacidade de Galicia (ACADAR). A presidenta da Deputación, Elena Candia, asinou o convenio regulador dunha subvención de case 5.000 euros coa responsable de ACADAR, Mónica Álvarez, para sufragar os gastos deste programa posto en marcha pola entidade.
Proxecto Nos+Otras: en Red
Durante o encontro en Xove, tamén se presentou o proxecto que pon en marcha a Rede Museística Provincial e o Museo Thyssen, baixo o nome de Nos+Otras: en Red. Este proxecto conta coa participación de numerosos artistas, colectivos e asociacións de mulleres, así como educadoras e educadores de museos de diferentes países, traballando en común para facer do museo un espazo de creación feminina. A partir de talleres de artistas traballarase para xerar propostas en diferentes formatos que se recollerán nunha exposición final. O obxectivo é o de crear un espazo permanente no que traballar e reflexionar sobre cuestións de xénero, educación en valores, campañas contra o maltrato e programas de diálogo intercultural e interrelixioso.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
