Rinlo, 9 de maio de 2015.- Os populares responsabilizaron este sábado a BNG e PSOE de que todos os galegos se vexan obrigados a pagar –a costa do erario autonómico- unha indemnización de 700.000 euros pola supresión da piscifactoría de Rinlo.
Así o denunciaron desde a propia localidade, o voceiro do Mar do Grupo Popular e secretario do Parlamento de Galicia, Jose Manuel Balseiro e o candidato á alcaldía e presidente dos populares ribadenses, Jesús López Penabad.
Balseiro dixo que o desenlace xudicial demostra que desde a Xunta bipartita e o propio alcalde, Fernando Suárez Barcia, obsesionado con para o proxecto, non actuaron con sensatez, rigor e respecto á terra. Pero é que ademais, sinala, esta decisión fixo perder un investimento millonario capaz de xerar riqueza e novas oportunidades de emprego, como se está a ver noutros puntos da Mariña, recentemente en Cervo.
Nacionalistas e socialistas actuaron con insensatez –aseguran desde o PP- porque as súas decisións produciron unha lesión dos dereitos e intereses dos propios ribadenses e dunha compañía disposta a investir na localidade. Ademais, sabían que nin a directiva comunitaria, nin a normativa estatal prohibían a instalación de plantas acuícolas en zonas Rede Natura, polo que adoptaron unha decisión arbitraria e negativa para este municipio.
Con todo, Balseriro o López Penabad si felicitan aos responsables da Xunta actual, que herdaron todo este proceso e foron quen, ao longo do correspondente procedemento xudicial de reclamación patrimonial, de reducir a contía da indemnización ata os 700.000 euros actuais, unha cifra inferior ás pretensións iniciais da empresa.
CADEA DE DESPROPÓSITOS
Desde o PP fan memoria e lembra o que definen como unha cadea de despropósitos, que se iniciou coa decisión do anterior Goberno autonómico bipartito -de BNG e PSOE- de deixar sen efecto a posibilidade de levar adiante a instalación da planta de acuicultura en Rinlo.
Naquel intre PSOE e BNG no goberno, deciden suspender a eficacia e a tramitación dos proxectos que, no marco do plan acuícola daquela vixente, deberan instalarse en espazos integrados na Rede Natura 2000.
A imposibilidade de executar os proxectos de Insuíña (Touriñan) e Acuinor (Ribadeo) fai que xurda, segundo interpreta o Tribunal Supremo, o dereito das empresas a recibir unha indemnización, que se traduce, fundamentalmente, en reparar os gastos realizados para a obtención e aprobación daqueles proxectos sectoriais.
SUÁREZ BARCIA, OBSTÁCULO PARA O EMPREGO
Finalmente desde o PP insisten en que tanto o acontecido co malogrado proxecto da piscifactoría de Rinlo como outros episodios protagonizados polo alcalde nacionalista, como a perda do obradoiro de emprego –por non entregar a documentación requirida en tempo e forma- e a non solicitude das brigadas forestais que subvencionaban a Xunta, demostran que o actual rexedor non ten nin o máis mínimo interese en aproveitar as circunstancias que se brindan para xerar novas oportunidades de emprego das que poderían beneficiarse os seus veciños.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
